ВР AÇG blokundan hasilat xərclərini 17% azaldıb

2016-cı ilin I yarısında “Azəri-Çıraq-Günəşli” blokundan (AÇG) neft hasilatı 16 mln ton olub. Bu, ötən ilin eyni dövründəkindən 0,3 mln ton və ya 1,9% çoxdur, deyə BP-Azerbaijan şirkətində Turan-a bildiriblər.

BP-Azerbaijan-ın məlumatına görə, şirkər I yarımildə layihə üzrə xərcləri ötən ilin eyni dövrünə nisbətən 16,8% və ya $220 mln – $1,088 mlrd-dək azaldıb.

“Bu məbləğdən əməliyyat xərcləri $260 mln, əsaslı xərclər $828 mln olub, – deyə ВР mətbuat xidmətində bildiriblər.

AÇG-də neft hasilatı cədvəli

Hesabat dövründə orta sutkalıq hasilat 655 min barrel olub. Bu, ötən ilin eyni dövründəkindən (641 min barrel)  2,2% çoxdur.

* Layihənin iştirakçıları BP (Böyük Britaniya - 35,78%), Amerikanın “Chevron” (11,27%), “ExxonMobil” (8%), Hindistanın “ONGC Videsh Limited” (2,72%), Yaponiyanın “Inрex Corр.” (10,96%) və “Itochu Oil” (4,3%), Azərbaycanın SOCAR (11,65%), Norveçin “Statoil” (8,56%) və Türkiyənin TPAO (6,75%) şirkətlərdir.

“Çıraq” yatağından neft hasilatı 1997-ci ilin noyabrından, “Azəri” yatağının mərkəzi hissəsindən 2005-ci ilin fevralın 13-dən, “Azəri” yatağının qərb hissəsindən 2005-ci il dekabrın 30-dan, “Azəri” yatağının şərq hissəsindən 2006-cı il oktyabrın 31-dən həyata keçirilir. 2008-ci ilin aprel ayının əvvəlindən “Günəşli” yatağının dərinsulu hissəsində, 2014-cü il yanvarın 29-dan isə “Çıraq” yatağının qərb hissəsində neft hasilatına başlanılıb. –12B--