2014-cü ilin yanvar-sentyabrında “Şahdəniz” yatağından 7,25 mlrd kubmetr qaz çıxarılıb. Bu barədə “BP-Azerbaijan” şirkətinin prezidenti Qordon Birrel jurnalistlərə bildirib.
Onun sözlərinə görə, bu dövrdə yataqdan 1,72 mln ton kondensat çıxarılıb.
Qeyd edək ki, 2013-cü ilin 9 ayında konsorsium “Şahdəniz” yatağından 7,3 mlrd kubmetr qaz və 1,85 mln ton kondensat çıxarıb.
“BP-Azerbaijan” rəhbəri deyib ki, “Şahdəniz” yatağında istehsal prosesi sabitləşib və statistik göstəricilər yatağın və hasilat platformasının imkanlarını əks etdirmir. Qaz yataqları neft yataqlarından fərqlənir, deyə o bildirib. Hasilatı artırmaq üçün qaza müştəri lazımdır. Hətta imzalanmış sazişlər olanda belə problemlər olur. Qaz bazarı iqlimdən də asılıdır.
“Ona görə bir ilə hasilat çox, digər il az ola bilər”, - deyə “BP-Azerbaijan” prezidenti bildirib.
Hazırda quyu sayı 7 olsa da, 5 quyudan hasilat aparılır.
Birrel hesab edir ki, ortamüddətli perspektivdə “Şahdəniz-1” çərçivəsində hasilat sabit olacaq.
* 2013-cü ildə “Şahdəniz” yatağında 9,8 mlrd m3 qaz və 2,48 mln ton kondensat, 2012-ci ildə 7,73 mlrd m3 qaz və 2 mln ton kondensat çıxarılıb.
İqtisadiyyat
-
Prezident İlham Əliyev 27 dekabrda 2025-ci il Dövlət Sosial Müdafiə Fondu büdcəsi haqqında qanunun tətbiqi barədə fərman imzalayaraq, fondun maliyyə çərçivəsinin səmərəli icrasını təmin etmək üçün tədbirlər müəyyən etdi.
-
Azərbaycan Respublikasının Prezidenti İlham Əliyev, Milli Məclis tərəfindən 16 dekabr 2024-cü ildə təsdiq edilmiş 98-VIIQD nömrəli qanuna əsasən, ölkənin Vergi Məcəlləsinə edilən dəyişikliklərin tətbiqi ilə bağlı fərman imzalayıb. Cümə günü dərc olunan fərman, vergi inzibatçılığının optimallaşdırılması və yenilənmiş qanunvericilikdə nəzərdə tutulan hüquqi çərçivənin gücləndirilməsi məqsədi daşıyır.
-
Azərbaycan parlamenti 2025-ci il üçün yaşayış minimumunu müəyyən edən qanunu təsdiqləyib, müxtəlif demoqrafik qruplar üçün konkret məbləğlər ayrılıb. Prezident İlham Əliyev tərəfindən 16 dekabrda imzalanan qanun 2025-ci il yanvarın 1-dən qüvvəyə minəcək. Prezidentin fərmanı 27 dekabrda dərc edilib.
-
Azərbaycan Prezidenti 27 dekabr 2024-cü il tarixində dövlət xərclərinin bölüşdürülməsi və icrasını nizamlayan "2025-ci il Dövlət Büdcəsi Qanunu"nun tətbiqi ilə bağlı fərman imzalayıb. 93-VIIQ nömrəli qanun çərçivəsində kodlaşdırılan qanunvericilik, müdafiə, təhsil, səhiyyə və infrastruktur sahələrindəki strateji prioritetləri əks etdirən müxtəlif sektorlara aid ətraflı büdcə təxsisatlarını müəyyən edir.
Rəy yaz