Xarici sığortaçının mükafat həcmi il ərzində iki dəfə azalıb

Ötən il “Chartis Azerbaijan” şirkətinin mükafatları 2 dəfə azalaraq 927,61 min manat olub. 

Şirkətdə Turan-a bildiriblər ki, əmlakın yanğından və başqa risklərdən sığortası mükafatları 420,17 min manat olub. Bu, mükafatların 45,3%-dir. 

Yük sığortası üzrə 62,1 min manat toplanıb. Peşə məsuliyyətinin sığortası üzrə 221,12 min manat, ümumi mülki məsuliyyətin sığortası üzrə 193,91 min manat, işə götürənlərin məsuliyyətinin sığortası üzrə 8,48 min manat toplanıb. 

Bir vaxt güclü olan bədbəxt hadisə və xəstəliklərdən sığorta üzrə 3,67 min manat yığılıb. 

Sığorta ödənişləri 412,84 min manat təşkil edib. Bunun əksəriyyəti – 391,51 min manat əmlakın yanğından və başqa risklərdən sığortası üzrədir.  

İSB üzvlüyü olmadığı üçün şirkət icbari növlər üzrə mükafat toplamır. 

Chartis Azerbaijan yerli bazarda 1999-cu ildən xidmət göstərir. Əvvəl onun əvəzinə törəmə strukturu AIG (American International Group) qeydiyyata alınmışdı.  

İndi 49% Amerika kapitallı şirkətin yerinə 100% xarici kapitallı Brintaniya şirkəti fəaliyyət göstərir (15 oktyabr 2010-cu ildə qeydiyyata alınıb) və 10 sığorta növü üzrə xidmət edir. Şirkətin nizamnamə kapitalı 6 mln 786 min manatdır. --17D—