Bu ilin yanvar-oktyabrında Azərbaycanın xarici ticarət dövriyyəsi $28,8 mlrd olub. Bu, bir il öncəkindən 5,1% çoxdur. İdxal əməliyyatlarının artım tempi 15,8% təşkil edib.
Dövlət Gömrük Komitəsinin məlumatına görə, bu ilin on ayında Azərbaycandan $19,9 mlrd-lıq mal ixrac edilib. Bu, 2012-ci ilin eyni dövründəkindən 0,93% çoxdur. İxracın çoxu ($18 448 mln və ya 92,2%) enerji resurslarıdır. İxracın 47,1%-i ($9,4 mlrd) Aİ-nin payına düşür. İxracda dövlət sektorunun payı 93,3%-dir ($18,6 mlrd).
Deyilən dövrdə ölkəyə $8 877,3 mln məbləğində mal idxal edilib. Bu, 2012-ci ilin eyni dövründəkindən 15,8% çoxdur.Aİ ölkələrindən idxal $3 012 mln və ya 33,9%-dir. İdxalda dövlət sektorunun payı 30,7%-dir ($2 728 mln).
Xarici ticarət balansının müsbət saldosu $11 044 mln olub.
Bu il Azərbaycan 147 ölkə ilə ticarət əlaqəsi saxlayıb. 1 915 adda mal ixrac edilib, 5 960 adda mal idxal olunub. İdxal-ixrac əməliyyatları ilə 6332 sahibkarlıq subyekti məşğul olub. Bunun 3 616-ı hüquqi şəxsdir, 268 müəssisə dövlət sektoruna aiddir. 08D
İqtisadiyyat
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
-
Azərbaycan Dövlət Neft Şirkətinin (SOCAR) prezidenti Rövşən Nəcəf və Tatarıstan Respublikasının baş nazirinin müavini, sənaye və ticarət naziri Oleq Korobçenko əməkdaşlıq məsələlərini müzakirə edərək, SOCAR və Rusiyanın “Tatneft” neft şirkəti arasındakı tərəfdaşlıqdan məmnun olduqlarını bildiriblər.
-
Azərbaycan hökuməti sənaye və kənd təsərrüfatı zonalarına investisiyaları cəlb etmək səylərini artırır. 2023-cü ildə İqtisadi Zonaların İnkişafı Agentliyi (İZİA) 31 yeni sahibkarlıq subyektinə rezident statusu, bir sahibkara isə qeyri-rezident statusu verib. Bu, ölkənin post-münaqişə bölgələrində və digər ərazilərində iqtisadi inkişafı sürətləndirmək istiqamətində yeni mərhələ hesab olunur.
Rəy yaz