![Azərbaycanda Duty Free mağazaların fəaliyyətinin tənzimlənməsi üzrə sənəd qəbul edilib](https://turan.az/resized/media/2013/main/111900058055-750-500-resize.webp)
Azərbaycanda Duty Free mağazaların fəaliyyətinin tənzimlənməsi üzrə sənəd qəbul edilib
Nazirlər Kabineti bu gün rəsmi mətbuatda rüsumsuz ticarət xidmətlərini göstərmək üçün mağazaların yaradılması və fəaliyyətinin tənzimlənməsi qaydalarını açıqlayıb. Turan-ın məlumatına görə, Bakı ərazisində bu gün ən azı iki belə obyekt fəaliyyət göstərir.
Qaydalara əsasən, bu mağazalarda idxal gömrük rüsumları, vergilər alınmadan və ticarət siyasəti tədbirləri tətbiq edilmədən son istifadə xüsusi gömrük proseduru altında yerləşdirilmiş və şəxsi istifadə (istehlak) üçün nəzərdə tutulan mallar satılır.
Mağazanın ərazisi (ticarət zalları, köməkçi otaqlar və anbarlar) gömrük nəzarəti zonası hesab edilir və həmin ərazidə yerləşdirilən mallar gömrük nəzarəti altında olur.
Duty Free mağazalarının yaradılmasına icazə Dövlət Gömrük Komitəsi tərəfindən 5 il müddətinə verilir. DGK Duty Free binalarına tələb və normalar qoyur.
Duty Free mağazalar beynəlxalq hava limanının gömrük nəzarəti zonasında, beynəlxalq dəniz limanının gömrük nəzarəti zonasında, gömrük sərhəd buraxılış məntəqələrinin gömrük nəzarəti zonalarında, xarici dövlətlərin Azərbaycan Respublikasındakı diplomatik nümayəndəliklərinin və konsulluqlarının başçıları və diplomatik heyətinin üzvləri, habelə onlarla birlikdə yaşayan ailə üzvləri üçün digər gömrük nəzarəti zonalarında fəaliyyət göstərməlidir.
Rüsumsuz mağazalar hər rüb DGK-ya satılan mallar barədə məlumat verir. İlk Duty Free 2007-ci ildə Bakı Beynəlxalq aeroportunda açılıb. Bu gün “Silk Way Holding” qrupuna məxsus “DUTY FREE.AZ” 6 mağazadan ibarətdir. Bu holdinq “Azerbaijan Airlines” prezidenti Əsgərovun himayəsindədir. Digər “Duty Free Diplomatshop” 2011-ci ilin martında “Azgroup Holding” tərəfindən açılıb. Bu holdinq FHN rəhbəri Kəmaləddin Heydərovun ailəsinə və onun iranlı tərəfdaşı Əhədpura məxsusdur. Hər iki mağaza ticari dövriyyəsi barədə informasiyanı açıqlamır. 08B
-
- İqtisadiyyat
- 19 Noyabr 2013 16:02
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz