Xarici valyuta kütləsi bir il ərzində təxminən 5% azalıb

2013-cü ilin sentyabr ayında pul kütləsinin həcmi 78,4 mln. manat və ya 0,5% artaraq, 14809 mln. manat təşkil edib. Son 12 ayda iqtisadiyyatda manat vəsaitlərinin həcmi 2407,2 mln. manat və ya 19,4% artıb.

Azərbaycan Mərkəzi Bankının məlumatına görə, qeyri-bank sisteminin nağd pul məbləği sentyabr ayında 44 mln. manat və ya 0,5% artaraq, 9560 mln. manat təşkil edib. Qeyri-nağd manat həcmi 35,2 mln. manat və ya 0,7% artaraq, 5249,6 mln. manat təşkil edib. Qeyri-nağd manatın manat dövriyyəsi strukturunda yeri 35,4%-ə qədər artıb. 

Hesabat ayı ərzində pul kütləsinin geniş göstəricisi 171,3 mln. manat və ya 1%, bir il ərzində isə 2270,3 mln. və ya 15% artaraq, 17613,6 mln. manat təşkil edib.

Bank sistemində xarici valyuta kütləsinin həcmi sentyabrda 92,9 mln. manat və ya 3,4% artaraq, 2804 mln. manata çatıb. Bir il ərzində xarici valyuta kütləsi 4,7% azalıb. Ümumi pul kütləsində manat resurslarının payı 84,1% təşkil edib ki, bu da 1 oktyabr 2012-ci ildəki göstəricidən 3,3% çoxdur.

Pul bazasının ümumi həcmi sentyabrda 0,1%, bir il ərzində isə 13,8% artaraq, 10697,2 mln. manat təşkil edib. Manat pul bazası hesabat ayı ərzində bir qədər azalaraq, 10615,9 mln. manat təşkil edib (avqustda 10616,8 mln.). -15В-