![Apellyasiya Məhkəməsi Bakı merinin köşklərini müdafiə etdi](https://turan.az/resized/media/2013/main/111400057502-750-500-resize.webp)
Apellyasiya Məhkəməsi Bakı merinin köşklərini müdafiə etdi
Apellyasiya Məhkəməsi hakim Həmid Həmidovun sədrliyi ilə 1 saylı Bakı İnzibati-İqtisad Məhkəməsinin Turan agentliyinin paytaxtda yerləşdirilən qəzet köşkləri haqqında informasiya sorğusu ilə bağlı Bakı meriyasına qarşı iddiasını qismən təmin edən qərarını qüvvədə saxlayıb.
Məlum olduğu kimi, 23 yanvar 2013-cü ildə 1 saylı Bakı İnzibati-İqtisad Məhkəməsi İH-nin üzərinə agentliyə qəzet köşklərinin sahibi və onların sayı haqqında məlumat vermək, habelə 10 manat məhkəmə xərclərini ödəmək öhdəliyi qoyub.
Lakin həmin vaxt hakim Vüsalə Baxışova agentliyin cavabdehi məhkəmədə iştirak etmədiyinə və tələb olunan məlumatı vermədiyinə görə 50 manatdan 100 manata qədər cərimə etmək (İnzibati-Prosessual Məcəllənin 57.1-ci maddəsi) vəsatətini təmin etməyib. O, həmçinin meriyanın üzərinə agentliyin sorğusuna tam cavab vermək öhdəliyi qoyulması haqqında vəsatəti təmin etməyib.
Məhkəmə cavabdehin QASİD firmasının köşklərinin dəyişdirilməsi haqqında rəsmi qərarı təqdim etməsinə; köşklərdən təyinatı üzrə olmayan istifadə; İH-nin qəzet redaksiyalarına vurduğu ziyan və şəhər hakimiyyətinin respublika prezidentinin KİV-ə dövlət dəstəyi haqqında sərəncamlarının sabotajı haqqında məlumat verməsinə nail olmayıb.
Agentliyin Bakı meri Abutalıbovun adına ötən il 28 avqust tarixli informasiya sorğusundan sorna ümumilikdə üç məhkəmə iclası keçirilib. İddia “İnformasiya əldə etmək azadlığı haqqında” qanunun 24.1-ci maddəsinə uyğun olaraq verilib.
Bir il ərzində tələb olunan məlumatı almaq və köşklərlə bağlı vəziyyətə aydınlıq gətirə biləcək araşdırma aparmaq mümkün olmayıb.
Turan İA-nın direktoru Mehman Əliyev hesab edir ki, məhkəmələr demək olar ki, əsassız olaraq meriyanın maraqlarını dəstəkləyərək, meriyanın imtinasını sualların ictimai əhəmiyyət kəsb etməməsi ilə əsaslandırmağa çalışıblar.
Məlum olduğu kimi, jurnalistlərin həyata keçirdikləri monitorinqlər köşklərin demək olar ki, qeyri-leqal ərzaq ticarəti şəbəkəsi olduğunu və çap mətbuatınn, xüsusən müstəqil mətbuatın satışının qarşısının alınmasına yönəlib. Məsələn, monitorinqlər göstərib ki, hər bir köşkə “Azadlıq”, “Yeni Müsavat”, “Zerkalo” və bir sıra digər qəzetlərin cəmi 2-3 nüsxəsini satmağa icazə verilib.
Hansı mətbuat yayımı firmasının qəzetləri tədarük etdiyini aydınlaşdırmaq mümkün olmayıb. Vergi rekvizitləri olmayan fakturalarda tədarükçü göstərilməyib. Köşk satıcıları özləri də firmanın necə adlandığını bilmir.
Azərbaycanda 90-cı illərin sonlarından pərakəndə qəzet satışı məhdudlaşdırılmağa başlayıb. Amma keçən ilin payızından az-çox qəzet satan QASİD distribyutor firmasının sıxışdırılması yolu ilə dövri mətbuat bazarının məhvi üzrə yeni kampaniya başlayıb.
Bakıda və digər şəhərlərdə guya dövri mətbuatın satışını yaxşılaşdırmaq məqsədilə yeni köşklər yerləşdirməyə başlayıblar. Bakı meri Hacıbala Abutalıbov 2011-ci ilin sentyabr ayında bildirib ki, yeni köşklər paytaxtı bəzəyəcək və qəzet satışını və redaksiyaların gəlirini artıracaq.
Prezident Administrasiyasının ictimai-siyasi şöbəsinin rəhbəri Əli Həsənov köşklərin yerləşdirilməsinə başlandıqdan təxminən 2 ay sonra onun və administrasiyanın şəhər hakimiyyətinin bu fəaliyyəti ilə heç bir əlaqəsi olmadığını bəyan edib. Eyni zamanda, nə o, nə keçən ilin yayında qəzet redaktorlarının müraciət etdiyi Mətbuat Şurası problemi həll etmək üçün heç bir addım atmayıb.
Qeyd etmək lazımdır ki, məhkəmədə agentliyin maraqlarını Media Hüquqları İnstitutu müdafiə edir. -0-
-
- İqtisadiyyat
- 14 Noyabr 2013 16:05
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz