Yerli təkrar sığorta şirkəti tərəfdaşlıq münasibətlərini inkişaf etdirir

AzRe təkrar sığorta şirkəti ötən il əhəmiyyətli dərəcədə (mütləq rəqəmlərlə) profil mükafat yığımını 5,19 mln. manat (+17%) artırıb. Şirkətdən Turan-a verilən məlumata görə, ötən ilin yekunlarına görə, bu göstərici 30 mln 275,34 min manata çatıb, 2010-cu ildə isə bu rəqəm 25,15 mln manat olub. 

İnvestisiya fəaliyyətindən əldə edilən gəlirlər 2 mln 991,52 min manat təşkil edib. Müxtəlif risklər üçün maliyyə ehtiyatlarının formalaşdırılmasını nəzərə alaraq şirkətin ötən ilki ümumi gəlirləri 29 mln 542,3 min manat (ötən ilki rəqəmdən 700 min çoxdur) təşkil edib. Digər gəlirlər əhəmiyyətli olmayıb. 

Şirkətin ötən ilki xərcləri 23 mln 140,69 min manata bərabər olub, onlardan 9 mln 75,59 min manat sığorta ödənişləri, 5 mln 227,04 min manat sığorta işinin aparılması xərcləri, 1mln 41,45 min manat qaytarılan mükafatlar, 7,5 mln manat xarici tərəfdaşlarına təkrar sığortanın verilməsinin payına düşüb. Ötən ilin yekunlarına görə şirkətin gəlirləri 6 mln 402,23 min manat təşkil edib. Vergilər çıxandan və digər ödəmələrdən sonra xalis mənfəət 5,15 mln manat olub. 

Bu maliyyə strukturunun xalis sığorta ehtiyatları 3 mln 859,95 manat azalıb, bu da gəlirlilikdə əks olunub. Ötən il qısa müddətlilər də daxil olmaqla ümumi aktivlər 58 mln 160,05 min manat (+18,7%), maliyyə öhdəliklərinin həcmi 11 mln 632,44 min manat (+53%) təşkil edib. AzRe-nin özəl kapitalı 12,4% artaraq 46,53 mln manata çatıb. «AzRe» təkrarsığorta şirkəti  təkrar bazarda 2007-ci ilin noyabrından fəaliyyət göstərir. Nizamnamə kapitalı 40 mln manatdır. --17D—