Yunanıstan TAP layihəsində paya sahib olarsa nələr baş verər?

 Bu həftə Azərbaycan Dövlət Neft Şirkətinin (SOCAR) vitse-prezidenti Elşad Nəsirov SOCAR-ın özünün və ya iştirakçıların TAP boru kəməri layihəsində payının bir hissəsinin Yunanıstan tərəfinə satmasının mümkünlüynü bildirib. Yunanıstan TAP layihəsində paya sahib olarsa nələr baş verər?

Azərbaycan Neft Araşdırmaları Mərkəzində bunu şərh edərkən bildiriblər ki, “faktiki olaraq bundan heç nə dəyişməyəcək”. TAP-a yeni şirkətin daxil olması, sadəcə,  vaxtaşırı hansısa şirkətin öz payını satdığı və digərinin onu aldığı bir layihədə  növbəti dinamikanı göstərəcək.

“Odur ki, SOCAR-ın top-menecerinin qeyd etdiyi kimi, burada əsas meyar hökumətin mlkiyyətinə vermək deyil, kommersiya əsasları ilə Yunanıstan şirkətinə satmaqdır”, - Mərkəzdən qeyd olunub.

Yəni, heç kim öz payını Yunanıstan tərəfə bağışlamaq fikrində deyil, bu, satılacaq və sonra həmin şirkət öz iştirak payına uyğun olaraq layihəni maliyyələşdirə bilməlidir.

Transadriatik qaz kəməri “Cənub” qaz dəhlizinin tərkib hissəsidir.

Layihə qazın Xəzər regionundan Yunanıstana, Albaniya və İtaliyanın cənubuna nəqlini nəzərdə tutur. Boru kəmərinin ümumi uzunluğu 870 km.-dir. Boru kəmərinin inşasına 2016-cı ildə başlanması gözlənilir.

  TAP layihəsinin iştirakçıları: BP (20%), SOCAR (20%), Statoil (20%), Fluxys (19%), Enagás (16%) andAxpo (5%). –12В--