Zəmanətsiz kreditlərin həcmi təxminən yarıya qədər azalıb
Bu ilin birinci yarısında Azərbaycanın təsərrüfat subyektləri tərəfindən $4411,5 mln. həcmində xarici kapital cəlb olunub.
Bu 2011-ci ilin müvafiq dövrünün göstəricisindən $409,6 mln. və ya 10,2% çoxdur.
Ölkənin ödəniş balansının məlumatına görə, birbaşa xarici investisiyalar $495,6 mln. və ya 25% artaraq $2496,1 mln. təşkil edib.
Qeyri-neft sektorunda birbaşa investisiyaların həcmi $34,2 mln. və ya 8,2% artaraq $451,3 mln. təşkil edib.
Milli iqtisadiyyata daxil olan kreditlərin və digər investisiyaların həcmi 4,4% azalıb.
Dövlət zəmanətli kreditlər 25,7% azalaraq $451,5 mln., zəmanətsiz kreditlər 49,1% azalaraq $593,3 mln., o cümlədən qeyri-neft sektorunda 22,2% azalaraq $593,1 mln. təşkil edib.
Qeyri-neft sektorunda zəmanətsiz kreditlərin böyük hissəsi banklar tərəfindən $502,5 mln. həcmində cəlb edilib ki, bu da 2011-ci ilin yanvar-iyun aylarının göstəricisindən 5,5% çoxdur.
Digər investisiyalar 3,8 dəfə artaraq $868,6 mln. təşkil edib. Hesabat dövründə ölkə $2 mln. həcmində neft bonusu alıb.
2012-ci ilin ilk altı ayında ölkə əvvəl cəlb olunmuş kreditlər üzrə $1133,5 mln. məbləğində kredit borcunu ödəyib. Bunun 41,6% ($471,3 mln.) banklar, 13,3% ($150,7 mln.) dövlət və dövlət zəmanətli kreditlər üzrə, 35,2% ($399,1 mln.) neft-qaz sektoru və 9,9% ($112,4 mln.) digər müəssisə və firmalar tərəfindən ödənilib.--15B--
-
- Cəmiyyət
- 11 Sentyabr 2012 17:17
-
- Sual-cavab
- 11 Sentyabr 2012 18:06
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz