Zəmanətsiz kreditlərin həcmi təxminən yarıya qədər azalıb

Bu ilin birinci yarısında Azərbaycanın təsərrüfat subyektləri tərəfindən $4411,5 mln. həcmində xarici kapital cəlb olunub.  

Bu 2011-ci ilin müvafiq dövrünün göstəricisindən  $409,6 mln. və ya 10,2% çoxdur.

Ölkənin ödəniş balansının məlumatına görə, birbaşa xarici investisiyalar $495,6 mln. və ya 25% artaraq $2496,1 mln. təşkil edib. 

Qeyri-neft sektorunda birbaşa investisiyaların həcmi $34,2 mln. və ya 8,2%  artaraq $451,3 mln. təşkil edib. 

Milli iqtisadiyyata daxil olan kreditlərin və digər investisiyaların həcmi 4,4% azalıb. 

Dövlət zəmanətli kreditlər 25,7% azalaraq $451,5 mln., zəmanətsiz kreditlər 49,1% azalaraq $593,3 mln., o cümlədən qeyri-neft sektorunda 22,2% azalaraq $593,1 mln. təşkil edib.

Qeyri-neft sektorunda zəmanətsiz kreditlərin böyük hissəsi banklar tərəfindən $502,5 mln. həcmində cəlb edilib ki, bu da 2011-ci ilin yanvar-iyun aylarının göstəricisindən 5,5% çoxdur.

Digər investisiyalar 3,8 dəfə artaraq $868,6 mln. təşkil edib. Hesabat dövründə ölkə $2 mln. həcmində neft bonusu alıb.

2012-ci ilin ilk altı ayında ölkə əvvəl cəlb olunmuş kreditlər üzrə $1133,5 mln. məbləğində kredit borcunu ödəyib. Bunun 41,6% ($471,3 mln.) banklar, 13,3% ($150,7 mln.) dövlət və dövlət zəmanətli kreditlər  üzrə, 35,2% ($399,1 mln.) neft-qaz sektoru və 9,9% ($112,4 mln.) digər müəssisə və firmalar tərəfindən ödənilib.--15B--