ABŞ Səfirliyinin dəstəyi ilə Silver City Bound qrupu Azərbaycana gəlib
Amerika Birləşmiş Ştatlarının Azərbaycandakı Səfirliyinin maliyyə dəstəyi ilə 16-22 may tarixlərində Amerikanın bluqrass musiqi janrında ifa edən Silver City Bound qrupunun Azərbaycana ilk səfəri təşkil olunub. Bu qrup Amerikanın ənənəvi musiqisinin müxtəlif ölkələrdən olan musiqiçilərlə birgə təqdimatları ilə məşhurdur. 2014-cü ildə qrup ABŞ-ın Dövlət Departamenti adından Çin, Myanmar, Laos və Vyetnam kimi ölkələrə səfər etmək üçün seçilmişdirlər. Azərbaycanda olarkən Silver City Bound qrupu ABŞ Səfirliyi tərəfindən 13-22 may tarixlərində təşkil olunan Amerika Günləri çərçivəsində müxtəlif ictimai konsertlərlə çıxış edəcək və yerli musiqiçilər üçün ustad dərslər keçirəcəkdir. Həmin konsertlər Sumgayıt, Quba və Bakıda yerləşən Muğam Mərkəzi və Bayram Meydanındakı Yaşıl Kafedə keçiriləcəkdir.
Bluqrass musiqisi kantri musiqi janrına yaxın olan ənənəvi Amerika musiqi formasıdır. Appalachia ərazisinin musiqisinin təsirinə məruz qalmış Bluqrass özündə ənənəvi İrland, Şotlandiya, Uelş və İngilis musiqisinin köklərini birləşdirir, daha sonra isə o həmçinin jazz elementlərinin əlavə edilməsi nəticəsində Afrika-Amerika musiqisinin təsirinə da məruz qalmışdır.
Özünün xarici turnelərindən əlavə olaraq, Silver City Bound qrupu “Jazz at Lincoln Center”, SFJAZZ, Stanford Jazz Festivalı, Şimalı Karolina Məktəbinin İncəsənət Universiteti və digər məşhur incəsənət təşkilatlarının köməyi ilə ABŞ-da 200-dən çox konsertlər və ustad dərsləri keçirmişdir. Göstərilən təşkilatlar Amerika musiqisinin çoş mədəniyyətli mənşəyini tədqiq edir və eyni zamanda auditoriyalara improvizasiya, şifahi tarix, ritm və blyuz kimi konsepsiyaları təqdim edir.
Azərbaycanda keçiriləcək aşağıda göstərilən konsertlər ictimaiyyət üçün açıq və pulsuzdur:
17 may 15:00-16:00 Sumqayıt şəhərindəki N.Nərimanov adına Mədəniyyət Evində konsert
19 may 15:00-16:00 Quba şəhərindəki Yaşıl Teatrda konsert
20 may 15:00-18:00 Rəşid Behbudov küç. 134 ünvanında yerləşən Amerika Mərkəzindəki
Bağlanış Mərasimi
20 may 20:00-22:00 Muğam Mərkəzində Konsert
21 may 16:00-19:00 Bayraq Meydanındakı Yaşıl Kafedə Bağlanış Mərasimi
ABŞ Səfirliyi bluqrass musiqisi ilə maraqlanan hər bir kəsi yuxarıda göstərilən tədbirlərə dəvət edir. Amerika Günləri programı üçün ABŞ səfirliyinin vebsaytına müraciət edə bilərsiniz http://azerbaijan.usembassy.gov/resources/america-days.html
-
- Cəmiyyət
- 17 May 2016 11:34
Mədəniyyət
-
Alen Delon, cazibədar görünüşü və maqnitik varlığı ilə Avropa kinosunu onilliklər ərzində müəyyənləşdirən Fransız kino ikonu, 88 yaşında vəfat edib. Övladları onun ölümünü bazar günü Agence France-Presse-ə verdikləri açıqlama ilə təsdiqləyib.
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
Rəy yaz