ADAMI beynəlxalq jurnalist müsabiqəsinin təqdimatı

Sentyabrın 14-də Bakıda Şərqi Avropada Mədəni Müxtəliflik üzrə ADAMI Media Mükafatının mətbuat konfransı keçirilib.

ADAMI-nin Azərbaycandakı nümayəndəliyinin nümayəndəsi bildirib ki, mükafat uğrunda müsabiqəyə Azərbaycanlı jurnalistlər də qatıla biləcəklər.

Mətbuat Konfransının əsas məqsədi Azərbaycanda fəaliyyət göstərən media və ictimaiyyət arasında “ADAMI Media Mükafatı 2016” müsabiqəsini təbliğ etmək və Azərbaycanlı media təşkilatçılarının, jurnalistlərinin və film istehsalçılarının bu müsabiqəyə qoşulmasına həvəsləndirməkdən ibarətdir.

Ərizə qəbulunun son tarixi 10 oktyabr 2016-cı ildir. Qaliblər 2016-cı ilin noyabr ayında Ukraynanın Kiyev şəhərində, beynəlxalq səviyyədə yayımlanan Ukrayna Milli Televiziyasında təşkil olunacaq təntənəli mərasimdə elan olunacaq.

Konfransda həmçinin mükafatın 2015-ci ildəki qaliblərinin işi də təqdim olunacaq.

ADAMI media mükafatı Avropa Birliyinin Əməkdaşlıq etdiyi ölkələrdə jurnalistlərin və media mütəxəssislərinin işini işıqlandırır.

ADAMI Media mükafatı 2016-cı ildə altı kateqoriya üzrə mükafat təqdim edəcək:

● Әylәncә (bәdii) üzrә ADAMI Media mükafatı

● Mәlumat (qeyri bәdii) üzrә ADAMI Media mükafatı

● Xәbәrlәr vә Qısa Qeyri bәdii verilişlәr üzrә ADAMI Media mükafatı

● Gәnclәr üçün ADAMI Media mükafatı

● Veb sәhifәlәr üzrә ADAMI online mükafat

● Veb videolar üzrә ADAMI online mükafat

Müsabiqədə qeydiyyatdan keçmək üçün aşağıda göstərilən linkə daxil ola bilərsiniz: adamimediaprize.eu.

ADAMI Almaniya XİN tərəfindən maliyyələşdirilən təşəbbüsdür və Avropa Yayım Birliyi, "DeutscheWelle" Akademiyası, Şərqi Avropa araşdırmaları üzrə Alman Cəmiyyəti ilə tərəfdaşlıq şəklində həyata keçirilir. ADAMI Ukrayna, Moldova və Gürcüstanın milli ictimai teleradio yayım qurumları ilə əməkdaşlıq edir. -16D-