Almaniya və Fransa səfirlikləri Fransa prezidenti Şarl de Qoll və ADR-in federal kansleri Konrad Adenauer tərəfindən Yelisey müqaviləsinin imzalanmasının 50 illiyini qeyd ediblər. Bu yubiley münasibətilə yanvarın 22-24-də Bakıda mədəni proqram təşkil olunub.
Dostluq və əməkdaşlıq haqqında Yelisey müqaviləsi Almaniya və Fransa arasında çoxillik düşmənçiliyin aradan qaldırılmasına, iki ölkə arasında tərəfdaşlığın dərinləşdirilməsinə yönəlib ki, bu da ümumavropa inteqrasiyasında mühüm rol oynayıb.
Məlumatda qeyd olunur ki, 22 yanvar saat 16:00-da Azərbaycan Diplomatik Akademiyasında „Fransız -Alman barışığı“ movzusunda konfrans təşkil olunacaq. Konfrans fransız ekspert Filipp Moreau Defarges tərəfindən aparılacaq və ictimai muzakirələr ilə davam edəcək.
23 yanvar saat 19:00-da Alman-Azərbaycan Mədəniyyət Birliyində (“Kapellhaus)” Azərbaycan musiqiciləri Salman Qəmbərovun və fransız-alman repertuarı ilə cıxış edən Fəridə Məmmədovanın konserti olacaq. Konsert iki hissədən ibarət olacaq olacaq: Fransız və alman bəstəkarlarının əsərlərindən secilmiş repertuar, birinci hissədə klassik,ikinci hissədə caz musiqisi.
24 yanvar saat 19.00-da Alman-Azərbaycan Mədəniyyət Birliyində (“Kapellhaus)”məşhur alman xoreoqrafı Pina Bausch haqqında Wim Wendersin "Pina" sənədli filminin numayişi (2D formatında fransız subtitrlarla, yeni və orijinal
vizual bir təcrubə) olacaq.–06D-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz