Bakı/28.10.19/Turan: Bu il ikinci "Fantaziya" mədəni irs festivalı keçirilir və bu proqramda iştirak edən səfirliklərin sayının artması sevindiricidir. Bu barədə Avropa İttifaqının Azərbaycandakı nümayəndəliyinin rəhbərinin birinci müavini Denis Daniilidis “Fantaziya” festivalının başlanması ilə əlaqədar mətbuat konfransında deyib.
O qeyd edib ki, festivalın adı Bakıdakı unikal memarlığa malik hamamdan götürülüb. Bu, Bakının memarlıq müxtəlifliyini göstərir.
Öz növbəsində Aİ-nin Azərbaycandakı nümayəndəliyinin rəhbəri Kestutis Jankauskas bildirib ki, hazırda Bakı yeni memarlıq nümunələri nümayiş etdirir. O qeyd edib ki, Bakının yeni baş planı hazırlanır və bu fonda mədəni irsin qorunması xüsusi məna kəsb edir.
“Biz bu festival vasitəsilə mədəniyyətlər arasında körpülər qururuq”, -Aİ səfiri deyib.
Fransanın Azərbaycandakı səfiri Zakari Qros mətbuat konfransında çıxış edərək bildirib ki, onun ölkəsi bu festivala məmnunluqla töhfə verir, çünki bu tədbir mühüm əhəmiyyət daşıyır.
“Aİ-nin bu məsələdə dəstəyi vacibdir. Biz əcdadlarımızdan aldığımız mədəni irsi qorumalı və gələcək nəsillərə ötürməliyik”, -Z.Qros deyib.
Öz növbəsində Niderland səfiri Otto Kravers xatırladıb ki, onun ölkəsi ilk festivalda da iştirak edib.
“Bu, mədəni irsin qorunması səylərini qiymətləndirməyimizin göstəricisidir. Keçən il olduğu kimi, bu il də “Qara şəhər və ağ şəhər” adlı fotosərgi təşkil edəcəyik. Sərgi köhnə ilə yeninin yanaşı mövcudluğunu sübut etməyə yönəlib”, - səfir bildirib.
Qeyd edək ki, ikinci “Fantaziya” mədəni irs festivalı noyabrın 1-dən 15-dək keçiriləcək. Festival çərçivəsində fotosərgilər, konsertlər, film nümayişləri, ustad dərsləri və teatr tamaşaları təşkil ediləcək.
Tədbirlər Bakı, Gəncə və Qəbələdə keçiriləcək. Festival çərçivəsində Qəbələ rayonunun Nic kəndində “Alban-Udin Mədəniyyəti Günü”nə həsr olunmuş tədbir təşkil ediləcək.
Avropa İttifaqı Azərbaycan nümayəndəliyinin festivalın keçirilməsi üzrə tərəfdaşları Fransa, Bolqarıstan, İtaliya, Latviya, Finlandiya, Belçika, Niderland, Macarıstan, Moldova, Meksika, Argentina, Tacikistan, Venesuela səfirlikləridir. Yerli tərəfdaşlar arasında Mədəniyyət Nazirliyi, Bakı Şəhər Mədəniyyət Baş İdarəsi, “İçərişəhər” Tarix-Memarlıq Qoruğu İdarəsi var. –71C-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz