“Demokratiya naminə incəsənət” hüquq müdafiə kampaniyası çərçivəsində keçirilən “Art for democracy” mahnı müsabiqəsi yekunlaşıb.
Müsabiqəyə demokratiya, insan hüquqları, sosial hüquqlar və qanunun aliliyi mövzusunda 8 musiqi əsəri təqdim edilib.
Peşəkar musiqiçilər Elmir Mirzəyev, Firudin Allahverdiyev və kampaniyanın koordinatoru Rəsul Cəfərovdan ibarət münsiflər heyəti işləri qiymətləndirib.
1-ci yerə “Zəmanənin işlərinə” mahnısı ilə (pop-musiqi janrı) Aydan layiq görülüb.
İkinci yeri “Demos Kratos” (rep janrı) mahnısı ilə Set the Strange Boy qazanıb.
Üçüncü yerdə “Xalq mahnısı” ilə (rok janrı) “Tenqri” qrupu gəlir.
Qaliblərə diplom və pul mükafatı təqdim ediləcək.
Əsərləri aşağıdakı linklərdə dinləmək olar:
https://soundcloud.com/artfordemocracy/aydan-zemanenin-ishlerine
https://soundcloud.com/artfordemocracy/set-the-strange-boy-demos
https://soundcloud.com/artfordemocracy/tengri-xalq-mahnisi-1
“Demokratiya naminə incəsənət” 2010-cu ilin dekabrından etibarən İnsan Hüquqları Klubu, Reportyorların Azadlıq və Təhlükəsizlik İnstitutu və Milli və Beynəlxalq Araşdırmalar Mərkəzi tərəfindən keçirilir. -06D-
Mədəniyyət
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
Rəy yaz