![Azad edilmiş şairlər evə qayıdırlar](https://turan.az/resized/media/2012/main/090600010260-750-500-resize.webp)
Azad edilmiş şairlər evə qayıdırlar
Həbsdən azad edilmiş iki Azərbaycan şairi bu gün saat 17.00-da Vətənə gələcəklər, Biləsuvar sərhəd məntəqəsində sərhədi keçəcəklər. Bu barədə Azərbaycan Yazıçılar İttifaqının katibi, “Pen-Klub”un prezidenti Çingiz Abdullayev bu gün keçirdiyi mətbuat konfransında bildirib.
Azərbaycan şairləri Şəhriyar Hacızadə və Fərid Hüseyn bu il aprelin 29-da İranda keçirilən şer festivalına dəvət edilib. Mayın 2-də şirlər Azərbaycana qayıdarkən Təbriz şəhərində həbs edilib.
“Pen-Klub”un prezidentinin sözlərinə görə, gənc şairlərə qarşı İran tərəfindən hər-hansı ittiham irəli sürülməyib. “Şairlər hər-hansı cinayət törətməyib və onlara qarşı rəsmi olaraq hər-hansı ittiham irəli sürülməyib. Əvvəlcə casusluqda günahlandırmaq istədilər, sonra narkotik ittihamı irəli sürmək istədilər və nəhayət sərhədi qanunsuz keçməkdə şübhəli bildilər. Ancaq məhkəmə zamanı onların şer festivalına dəvət edildiyi təsdiq olundu və İran Azərbaycan vətəndaşlarına vizanı aradan qaldırdı”, - deyə o qeyd edib.
Şairlərin azad edilməsində Azərbaycan xarici işlər nazirinin və ölkə prezidentinin böyük rolu olduğu bildirilib. “Azərbaycan Xarici İşlər Nazirliyi İrana 5 etiraz notası təqdim edib, nazir Elmar Məmmədyarov dəfələrlə məsələni yüksək səviyyədə qaldırıb”, - deyə Ç.Abdullayev deyib.
Onun sözlərinə görə, dünyanın 14 dövlətinin “Pen-Klubu” Azərbaycanın “Pen-Klubu”nun müraciətinə qoşulub. “14 ölkənin Pen-Klubu bizim müraciətimizə qoşularaq İran rəhbərliyinə şairlərin azad olunması tələbi ilə müraciət edib”.
Yazıçılar İttifaqının katibi Azərbaycan yazarlarını İrana gedərkən ehtiyatlı olmağa çağırıb.
“Pen-Klub”un prezidenti İranda və Azərbaycanda siyasi məqsədlərlə həbs edilmiş yazarların da müdafiəsi üçün işlər aparılıb-aparılmayacağı barədə Turan-ın sualının cavabında deyib ki, Azərbaycan Yazıçılar Birliyi hər zaman yazarların hüququnu müdafiə edib. “Hətta vaxtı ilə Müsavat Partiyasının başqanı İsa Qəmbər Yazıçılar Birliyinin sədri Anar və mərhum Yusif Səmədoğlunun zəmanəti ilə azadlığa buraxılıb. Amma son 20 ildə Azərbaycanda yazılarına görə heç kim həbs edilməyib. Biz dünyanın harasında olmasından, o cümlədən İranda yaşamasından asılı olmayaraq, yazılarına görə təzyiqə, təqibə məruz qalan bütün Azərbaycan yazarlarının hüquqlarını müdafiə edirik. Vaxtı ilə Səid Muğanlının azad edilməsi ilə bağlı müraciətə də qoşulmuşuq”.
Çingiz Abdullayev yerli və beynəlxalq hüquq müdafiə təşkilatlarını İranda həbs edilən Azərbaycan yazıçılarının hüquqlarını müdafiə etməməkdə günahlandırıb. “Sərhədsiz Reportyorlar” təşkilatının dəfələrlə bəyanatına gəlincə, “Pen Klub”un prezidenti “onlar yalnız bizim müraciətimizdən sonra bəyanatla çıxış edib”, - deyə qeyd edib. -03C-
-
- Siyasət
- 6 Sentyabr 2012 16:36
-
- Foto sessiyalar
- 6 Sentyabr 2012 17:15
Mədəniyyət
-
Alen Delon, cazibədar görünüşü və maqnitik varlığı ilə Avropa kinosunu onilliklər ərzində müəyyənləşdirən Fransız kino ikonu, 88 yaşında vəfat edib. Övladları onun ölümünü bazar günü Agence France-Presse-ə verdikləri açıqlama ilə təsdiqləyib.
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
Rəy yaz