Tanınmış ermənişünas alim,Türkiyənin Kayseri şəhərindəki Erciyes universitetinin professor Qafar Çaxmaqlının, 50 illik müddətdə SSRİ-nin idarəçilərindən biri olmuş Anastas Mikoyan barədə yazdığı “Anastas Mikoyan: bolşevik bir erməninin etirafları” adlı kitabı ingiliscə çapdan çıxıb.
Professor Çaxmaqlının kitabını Ankaradakı Avrasya İncelemeleri Merkezi (AVİM) adlı araşdırma qurumu çap edib.
Kitab 2019-cu ildə AVİM tərəfindən Türkcə çap edilmişdi.
Rusca və ermənicə mənbələr əsasında yazılmış kitabda Anastas Mikoyanın erməni milliyyətçilərinə zidd olan dünyabaxışına, daşnaklarla uyğun gəlməyən fikirlərinə geniş yer verilib.
”Anastas Mikoyan: Confessions of an Armenian Bolshevik” adlı kitabının çapdan çıxması münasibətiylə Turan agentliyinə açıqlama verən professor Qafar Çaxmaqlı deyib: “Kitabda rus və erməni dilli mətbuatda və həmçinin, Mikoyanın arxivində mövcud olan sənədlərdən istifadə edilib.Təmsil etdiyi sistemin idarəçilərindən biri olaraq, Anastas Mikoyan bəzi mühüm məsələlərdə erməni-daşnak milliyyətçilərindən fərqli mövqe nümayiş etdirib. Məsələn,Mikoyan haqlı olaraq, Türkiyədən 6 vilayət əldə edərək “Böyük Ermənistan” yaradılma xəyalını boş və mənasız hesab edib. Zəngəzurun Azərbaycanın tərkibinə verilməsi və Dağlıq Qarabağın Azərbaycanın tərkibində qalması da Mikoyanın müdafiə etdiyi mövqedir. Mən rusca və ermənicə materialların Türkiyənin elmi ictimaiyyəti və oxucularıyla bölüşülməsinə çox əhəmiyyət verirəm.Çünki bu mənbələrə istinad etmədən obyektiv nəticələr əldə etmək mümkün deyil. Faşistlərlə ən yaxın şəkildə əməkdaşlıq etmiş Qaregin Njde barədə əsərimi də mənbələrə əsaslanaraq yazmışdım. Bu əsərlərimlə Türkiyədə indiyə qədər formalaşmış yanlış fikirlərin də dəyişəcəyinə inandığıma görə,araşdırmalarımı davam etdirəcəyəm”.
Dünya miqyasında tanınan ermənişünas alim Qafar Çaxmaqlı 2011-ci ildən bəri Türkiyənin Kayseri şəhərindəki Erciyes universitetində işləyir. 2016-cı ildə Universitetin Elmi Şurası tərəfindən professor elmi titulu verilən Qafar Çaxmaqlı “Erməni dilini öz-özünə öyrənmə kitabı”(272 s.) yazıb. Türkcə 10 monoqrafiyası çıxan professor Çaxmaqlı indiyə qədər Türkiyənin müxtəlif elmi araşdırma qurumlarının, QHT-lərin və bələdiyyələrin təşkil etdiyi 200-dən artıq konfransda çıxış edib. Professor Qafar Çaxmaqlı mayın 10-da Mühacirətdəki Qərbi Azərbaycan(İrəvan) Cümhuriyyətini elan edib.
Mədəniyyət
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
Rəy yaz