Avropa İttifaqının (Aİ) Azərbaycandakı nümayəndəliyi və Avropa İttifaqına üzv dövlətlərin səfirlikləri “İçərişəhər” Dövlət Tarix-Memarlıq Qoruğu İdarəsi və Avropa Hərəkatı Azərbaycan təşkilatı ilə birlikdə iyunun 1-2-də qədim Bakı şəhərində Avropa Şəhərciyinin keçiriləcəyini elan edir. Bu barədə Turan-a Aİ-nin Bakıdakı nümayəndəliyindən məlumat verilib.
Avropa Şəhərciyində Azərbaycandakı cari Aİ layihələri, eləcə də Aİ ölkələrinin mövqeyindən Avropa mədəniyyəti təqdim olunacaq. Tədbirdə məqsəd Avropa rəqslərini, musiqisini, xörəklərini, dillərini və bir çox digər fəaliyyət növlərini Azərbaycan ictimaiyyətinə nümayiş etdirməklə Avropanın mədəni həyatının müxtəlifliyini və zəngincliyini vurğulamaqdır.
Avropa Şəhərciyi İçərişəhərdə iyunun 1-2-də aaat 11.00-dən saat 21.00-dək açıq olacaq. İstirahət günlərində qonaqlar Aİ və ona üzv dövlətlərin stendlərinə gedə biləcək, Aİ-nin yardımı ilə Azərbaycanda icra olunan layihələrlə tanış olacaq, Aİ səfirlərinin müxtəlif təqdimatlarını və nitqlərini dinləyə biləcək, rəqs, dil dərsləri keçəcək, karaoke oxuyacaq, Avropa mətbəxini dadmaq, müxtəlif viktorinalarda iştirak etmək və müxtəlif mükafatlar qazanmaq imkanları əldə edəcəklər. Tədbirlər
Azərbaycanın və Avropanın istedadlı musiqiçilərinin həm klassik, həm də müasir üslubda ifası ilə keçiriləcək konsertlərlə yekunlaşacaq.
Avropa Şəhərciyi Aİ ilə Azərbaycan arasındakı əlaqələrin genişlənməsini nümayiş etdirən mühüm alətdir. Bu, Aİ-nin Azərbaycandakı fəaliyyətini nümayiş etdirir, qonaqları Avropanın təklif etdiyi məsələlərdə iştirak etməyə və onun dadını çıxarmağa dəvət edir. Bununla Aİı və ona üzv dövlətlər barədə Azərbaycanda məlumatlanma artacaq və bununla da cari ilin noyabrında viza rejiminin sadələşdirilməsi sazişləri imzalanan kimi bu, növbəti dəfə Avropanın hansı ölkəsinə səfər etmək qərarının verilməsində vətəndaşlara yardımçı olacaq.
Aİ-nin Azərbaycandakı səfiri Roland Kobia hər kəsi Avropa Şəhərciyində Avropanı görməyə, öyrənməyə, onunla rəqs etməyə və onu hiss etməyə dəvət etdiyini bildirib.
Tədbirin rəsmi açılışı iyunun 1-də saat 12.00-də Aİ-nın səfiri Roland Kobianın iştirakı ilə başlayacaq, Aİ nümayəndəliyi tərəfindən təşkil olunmuş builki uşaq rəsmləri müsabiqəsinin mükafatlandırma mərasimi ilə davam edəcək. -0-
Mədəniyyət
-
İyulun 9-da Almaniyanın Azərbaycandakı səfirliyinin iqamətgahında gender bərabərliyinə verilən töhfələrə görə 2024-cü il Almaniya-Fransa Gender Bərabərliyi mükafatının təqdimatı olub.
-
Müasir insanın kimlik və həyatda məna axtarışları son zamanlarda bir çox sənətçi tərəfindən müraciət edilən bir mövzudur. YAY Qalereyasında nümayış olunan Rasim Babayev, Elşən Baba, Orxan Hüseynov, Tərlan Qorçu, Aida Mahmudova,Qafar Rzayev, Zamir Süleymanov və ve CHINGIZ-in əsərlərindən ibarət "Hər şey yaxşı olacaq: Sabah ve ya nə vaxtsa" adlı qrup sərgisində müasir insanın həqiqəti, kimlik axtarışları və s. mövzular müxtəlif aspektlərdən işlənib. Sərginin kuratoru Zəhra Məmmədovadır.
-
İnsanlar özlərindən öncəki dövrləri öyrənmək üçün ya internetdə araşdırmalar edir ya filmlərə baxır ya da tamaşaların daimi izləyicisi olur. Mədəniyyət tarixinin bəzi dövrləri vardır ki, hazırda çox da dərindən araşdırılmayıb və Azərbaycan dilində dəqiq, detallı məlumatlar tapmaq isə demək olar ki, mümkün deyil. Belə dövrlərdən biri də 1794-1985-ci illərdə hakimiyyətdə olan Qacarların dövrüdür.
-
İyulun 5-dən 12-dək Azərbaycanda V "Sevil" Beynəlxalq Qadın Sənədli Film Festivalı keçirilir.
Rəy yaz