Bakı/29.01.22/Turan: 5 mart tarixində Heydər Əliyev Mərkəzində əfsanəvi skripkaçı və musiqi xadimi Gidon Kremerin 75 illiyinə həsr olunan konsert baş tutacaq.
Bu il maestronun 75 illiyi və onun yaratdığı Kremerata Baltica Orkestrinin 25 illik yubileyi qeyd olunur. Sənətçilər ikiqat yubileylərini Kanada, Amerika, Avropa və Asiya şəhərlərinə qastrol səfərləri ilə qeyd edirlər.
Martın 5-də məşhur Maestro ilə birlikdə skripkaçı Madara Petersone (Latviya) və Azərbaycanın Əməkdar Artisti Fuad İbrahimovun rəhbərliyi ilə Bakı Kamera Orkestri bir səhnədə çıxış edəcək.
Kompomissiz sənət dünyagörüşünə malik musiqiçi Gidon Kremer öz nəslinin ən hörmətli və nüfuzlu sənətçilərindən biri kimi dünya miqyasında şöhrət qazanmışdır.
Onun geniş repertuarı həm klassik əsərlər, həmçinin 20-21-ci əsrlərin aparıcı bəstəkarlarının musiqisini əhatə edir.
Heç bir başqa solist müasir bəstəkarların və yeni skripka musiqisinin maraqlarını Gidon Kremer qədər müdafiə etməmişdir.
O, Alfred Schnittke, Arvo Pärt, Giya Kancheli, Sofia Gubaidulina, Valentin Silvestrov, Luigi Nono, Edison Denisov, Aribert Reimann, Pēteris Vasks, John Adams, Victor Kissine, Michael Nyman, Philip Glass kimi bir çox müasir bəstəkarlarla sıx əməkaşlıq edib. Onların bir çoxu əsərlərini Gidona həsr edirdi, hansıların ilk ifaçısı adətən Maestronun özü idi.
Beynəlxalq səviyyəli skripkaçı kimi, o, Leonard Bernstein, Riccardo Muti, Claudio Abbado, Lorin Maazel, Herbert von Karajan, Nikolaus Harnoncourt və ya Seiji Ozawa kimi nüfuzlu dirijorlarla və ən böyük orkestrlərlə bərabər çıxış edir.
1997-ci ildə Gidon Kremer 3 Baltik ölkələrdən olan istedadlı gənc musiqiçilərdən ibarət olan Kremerata Baltica kamera orkestrinə əsas qoyub.
Mövcud olduğu müddətdə orkestr 50-dən çox ölkədə qastrol səfərində olub. Kollektivlə birlikdə görkəmli müasir ifaçılar, o cümlədən Jessye Norman, Mixail Pletnev, Thomas Zehetmair, Yo-Yo Ma və başqaları çıxış ediblər. Musiqiçilərin 50-dən çox CD-si buraxılıb və 2002-ci ildə orkestr GRAMMY və ECHO kimi nüfuzlu mükafatlara layiq görülüb.
Gidon Kremer 120-dən artıq albom buraxıb və Ernst von Siemens Musikpreis, Bundesverdienstkreuz, Moskvanın Triumf Mükafatı, Unesco və Una Vita Nella Musica - Artur Rubinstein kimi bir çox beynəlxalq mükafatlara layiq görülüb. Bundan əlavə 2016-cı ildə Yaponiyanın İmperatoru onu musiqi dünyasında Nobel mükafatına bərabərləşdirilən Praemium Imperiale mükafatı ilə təltif edib.
Konsert Latviyanın Səfirliyi, Premier LTD şirkəti və FantazEU Festivalı çərçivəsində Avropa İttifaqının Azərbaycandakı nümayəndə heyəti ilə birgə təşkil olunub.—0-
Mədəniyyət
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
Rəy yaz