Mədəniyyət və Turizm Nazirliyinin dəstəyi ilə, "Mədəniyyət" qəzetinin əlavəsi olaraq nəşr edilən "Baku Guide" bələdçi kataloqunun 2016-cı il aprel sayı çapdan çıxıb.
Azərbaycan, rus və ingilis dillərində hazırlanan nəşrin bu sayında 25-27 aprel tarixlərində Bakının ev sahiblik edəcəyi BMT-nin Sivilizasiyalar Alyansının 7-ci Qlobal Forumu ilə bağlı materiallara xüsusi yer ayrılıb. Kataloqda Qlobal Forum, onun əhəmiyyəti haqqında ətraflı informasiya, beynəlxalq tədbir günlərində paytaxtın teatr və konsert müəssislərində, muzeylərdə keçiriləcək tamaşa, konsert və sərgilərin ayrıca proqram və afişası təqdim olunur.
Bələdçi kataloqunda 7-9 aprel tarixində paytaxtımızda 15-ci dəfə təşkil olunacaq Azərbaycan beynəlxalq “Turizm və səyahətlər” sərgisi (AİTF 2016) haqqında da dolğun məlumat verilir.
“Azərbaycan dünya turizminin inkişaf etməkdə olan bir parçasıdır”. Bu fikri isə mart ayında Lüsern Dünya Turizm Forumunun Beyin Mərkəzinin Bakıda keçirilən toplantısında iştirak etmiş Birləşmiş Millətlər Dünya Turizm Təşkilatının baş katibi Taleb Rifai bələdçi kataloquna müsahibəsində deyib. Onun dünya və Azərbaycanda turizmin inkişaf perspektivləri, risklər və imkanlar barədə mülahizələrini nəşrlə bölüşüb.
Novruz bayramı ərəfəsində Bakıya gəlmiş əcnəbi qonaqların təəssüratlarına da kataloqda yer verilib. Bundan əlavə, iyun ayında baş tutacaq “Formula 1” üzrə Avropa Qran-pri yarışmasının rəsmi elçisi, iki dəfə dünya çempionu Fernando Alonsonun “Bakı şəhər halqası” treki və şəhərimiz barədə fikirləri ilə tanış olmaq olar.
İl boyu sağlamlığının qeydinə qalmaq, istirahətlə sağlam həyat tərzini birləşdirmək istəyənlər “Azərbaycanda müalicə turizmi” yazısını oxuya bilərlər. “Azərbaycan mətbəxi” rubrikasında isə bu dəfə əcnəbi oxucular səbzi qovurmalı plovun hazırlanma qaydası ilə tanış olacaqlar.
Nəşrdə ənənəvi olaraq paytaxtın teatr və konsert müəssisələrinin, kino nümayişi mərkəzlərinin aprel ayı üçün olan afişası oxucuların ixtiyarına verilib. Turistlər üçün informasiya bölməsində isə onları maraqlandıra biləcək suallar ətraflı cavablandırılır. Şəhər turuna çıxmaq istəyənlər, suvenir həvəskarları üçün "Bakını "City sightseeng"lə kəşf edin", "Bakıdan xatirə" yazıları maraqlı olacaq. Həmçinin turizm agentləri, aviakassalar, hava yolları, şəhərdəki hotel, restoran, ticarət və əyləncə məkanları haqqında məlumatlar, avtomobil kirayəsi, fövqəladə hallarda yardım almaq üçün çağrı mərkəzlərinin əlaqə nömrələri və s. kataloqda əksini tapıb.
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz