Orta əsr Azərbaycan şairəsi Məhsəti Gəncəvinin rübai və qəzəllərinə miniatür və illüstrasiyalar Azərbaycan Elmlər Akademiyasına verilib.
AMEA Gəncə şöbəsindən Turan-a verilən məlumata görə, XIV-XV əsrlərə aid bu miniatürlər şairənin 900 illiyinin bayram edilməsi ərəfəsində Azərbaycana gətirilib. 8 miniatür və bir illüstrasiyasını İspaniya kraliçası Sofiya bağışlayıb.
Lakin bu, yeganə xoş məram aktı deyil. Gələcək ekspozisiya üçün Akademiyaya təxminən 110 eksponat daxil olub.
AMEA Gəncə şöbəsinin elmi hissəsinin direktor müavini Samir Pişnamazzadənin sözlərinə görə, müxtəlif vaxtlarda Məhsəti xanım Fonduna İsgəndəriyyə kitabxanası (Misir), Metropoliten muzeyi və Yelsk Universitetindən (ABŞ) çoxlu əlyazmalar daxil olub.
Sonuncu dəfə Pol Smitin 6 monoqrafik nəşri daxil olub. Nəşrlər böyük şairənin həyat və yaradıcılığına həsr olunub. Hazırda elmi işin tərcüməsi üzərində iş gedir. --17D—
Mədəniyyət
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
Rəy yaz