İsveçrənin Montre şəhərində əfsanəvi caz festivalının banisi və baş direktoru Klod Nobs 77 yaşında dünyasını dəyişib, bu barədə AP xəbər yayıb.
Faciəvi hadisə cümə axşamı baş verib. İsveçrənin məşhur musiqi xadimi xizək sürərkən düşərək aldığı xəsarətlərdən vəfat edib.
Dekabrın 24-də xizək sürərkən Nobsun başına bədbəxt hadisə gəlib. O, Vo əyalətinin Universitet Xəstəxanasında əməliyyat olunub. Elə həmin vaxt onun koma vəziyyətində olduğu haqqında məlumat daxil olub.
Hələ 2010-cu ilin yazında əfsanəvi festivalın banisi səhhətindəki problemlərlə əlaqədar “operativ işlərin” idarəetməsini varisi Matye Jatona verdiyini bəyan edib. Lakin festivalın ümumi rəhbərliyi Nobsun əlində qalırdı.
Montrede caz festivalı (Montreux Jazz Festival) 1967-ci ildən keçirilir və dünyada ən böyük caz festivallarından biridir. Hələ ötən ilin 70-ci illərində təşkilatçılar festivalın proqramına təkcə klassik caz musiqiçilərini daxil etmirdilər, 8-ci illərdən etibarən isə rok və hətta pop musiqi ulduzları İsveçrəyə gəlməyə başladı. Hər il Montredəki festivala 250 mindən çox insan gəlirdi. Bir çox konsertlərin biletləri konsertin açılışından çox-çox əvvəl tamamilə satılırdı.
Azərbaycan musiqiçiləri ənənəvi olaraq bu nüfuzlu forumda iştirak edirlər və son illər yaxşı nəticələr əldə ediblər. 2011-ci ildə Azərbaycan pianoçusu İsfar Sarabski bu festivalın qalibi seçilib. -02D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz