Bakı/28.06.18/Turan: Fəlsəfə üzrə professor Niyazi Mehdi Azərbaycan folklorunun özəllikləri haqda yeni araşdırma-kitab yazıb. Kitab "Qəribə adamlar - qəribə olaylar. Azərbaycan tarixindən yığdıqlarım və yazdıqlarım" adlanır.
Kitabda müəllif çoxillik araşdırmaları zamanı ortaya çıxardığı filoloji və davranış nümunələrini tarixi və etnoqrafik aspektdə təhlil edir.
Kitabda öyrənilən və təhlil edilənlərin spektri barədə onun fəsillərinə əsasən mülahizə yürütmək olar:
- Azərbaycan tarixində ibrətamiz hadisələr və şəxsiyyətlər barədə;
- Azərbaycanda qəribə təbiət hadisələri;
- Azərbaycanda ilk dəfə icra edilənlər:
- Sözlər, məsəllər, ümumiyyətlə, Azərbaycanda dillər barədə;
- Azərbaycan tarixində baş verən maraqlı hadisələr;
- Azərbaycanlıların qəribə adətləri və s.
Kitabda 9 fəsil var. Onların arasında azərbaycanlıların bəzək əşyaları və jestləri ilə bağlı ayrıca araşdırma və Azərbaycan tarixində xəyanətlərə dair fəsil də yer alıb.
Şübhəsiz ki, yeni kitabın oxucusu burada özü üçün maraqlı çox şey tapacaq. "Ola bilsin ki, kitab mağazalara yeni daxil olsun", - müəllif oxuculara bildirir.
Yeni kitab "Qanun" nəşriyyatında dərc edilib.-0-
Mədəniyyət
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
-
Kino həmişə həyatın mürəkkəbliyini əks etdirən bir güzgü olub və bəzən ən dərin həqiqətləri üzə çıxaran səssiz bir şahid rolunu oynayıb. 25 dekabrda Bakının Nizami Kino Mərkəzində hekayə anlatımı və yaradıcılığın möhtəşəm bir bayramı keçirildi. Azərbaycan Kino İttifaqının təşkil etdiyi bu tədbir, “Ağ qara hərflərin rəngli yuxuları” layihəsinin final mərhələsini qeyd etdi və Rövşən İsaxın rejissorluğu ilə hazırlanmış Məhkəmə adlı qısametrajlı bədii film nümayiş etdirildi. Bu gecə sadəcə bir film premyerası deyil, həm də öyrənmə və yaradıcı əməkdaşlıq yolunda böyük bir nailiyyətin təntənəsi idi.
Rəy yaz