Bakı/05.07.19/Turan: Bakıda Qarabağ müharibəsi muzeyi açılıb. Muzeyi Qarabağ döyüşlərində bir gözünü itirən qazi Namiq Əliyev yaradıb.
Muzey Bakının Xətai rayonunda Aşıq Ələsgər küçəsi, 2 ünvanındakı (Əhmədli qəsəbəsi) binanın birinci mərtəbəsində yerləşir. Muzeydə müharibə qəhrəmanlarının 40-dan çox portreti, heykəl və büstü var. Muzey böyük maraq doğurub. Buraya çoxlu ziyarətçi, əsasən şəhid ailələrinin üzvləri, məktəblilər, bu rayonun sakinləri gəlir.
Muzeydə Azərbaycanın Milli Qəhrəmanı Mübariz İbrahimov adına rəsm kursu açılıb. N.Əliyevin sözlərinə görə, burada şəhid uşaqlarına pulsuz rəsm və heykəltəraşlıq dərsləri keçirilir.
Müharibə qazisi bu layihəyə öz şəxsi vəsaitini xərcləyib.
"Döyüş yoldaşlarımızın xatirəsinin əbədiləşdirilməsi qürurvericidir", - muzeyin ziyarətçisi, müharibə veteranı İlham Həsənov deyib.
N.Əliyev bildirib ki, şagirdlərin və şəhid ailələrinin muzeyə marağı onu qürurlandırır. "Bu, məni muzeyi genişləndirməyə, şəhidlərin və müharibə veteranlarının xatirəsinin əbədiləşdirilməsi ilə bağlı yeni layihələr həyata keçirməyə ruhlandırır", - o vurğulayıb.-30C-
Mədəniyyət
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
-
Tarix elmləri doktoru Cəmil Həsənlinin 2024-cü ilin son günündə “Təbriz-1946-cı il: Milli Hökumətin Zəfər və Faciəsi” kitabı çapdan çıxıb.
Rəy yaz