Azərbaycan Kinematoqrafçılar İttifaqının (AKİ) katibi, tanınmış aktyor Rasim Balayev bəyanatla çıxış edərək bu günlərdə hakimiyyətin dəstəyi ilə yaradılan alternativ ittifaqdan olan həmkarlarının hərəkətlərini pisləyib.
Turan-a daxil olan bəyanada deyilir: ”Yenidən yaradılmış “dublyor İttifaq”ın ünvanına daxil olan təbriklər Bakıda təşkil olunur.
Belə ki, Şəfiqə Məmmədovanın adından onun katibi MDB və digər ölkələrin Kinematoqrafçılar İttifaqına və digər kino təşkilatlarına zəng edərək “dublyor İttifaq”ın ünvanına təbriklər göndərməyi xahiş edir.
Biz Moldova Kinematoqrafçılar İttifaqının sədri Yevgeni Soborla əlaqə saxladıq və o bildirdi ki, Ş.Məmmədovanın adı məlum olmayan müavininin təbrik göndərmək barədə təklifini qəbul etməyib.
Gürcüstan Kİ-dən də belə məlumat alınıb.
“Dublyor İttifaqın rəhbərlərinin hərəkətləri digər respublikadan olan həmkarlarımızda təəccüb doğurur və milli kinematoqrafiyanın nüfuzuna zərər vurur”, - R.Balayev vurğulayıb.
Xatırladaq ki, bir həftə əvvəl hakimiyyətin hamiliyi ilə bir qrup kinematoqrafçının yığıncağı keçirilib. Onlar daha bir Kinematoqrafiya İttifaqının yaradıldığını bəyan ediblər. Yeni qurumun nizamnaməsi, proqramı, əsasnaməsi təqdim olunmayıb.
Eyni zamanda Azərbaycan Kinematoqrafçılar İttifaqının olduğu halda bu yaradıcılıq ittifaqının təyinatı da bəlli deyil.
AKİ-nin rəhbəri dramaturq Rüstəm İbrahimbəyov hesab edir ki, yeni qurum onun təşkilatına qarşı yaradılıb. Məqsəd onu ölkə hakimiyyətini qane etməyə mövqeyinə görə cəzalandırmaqdır.-02V-
Mədəniyyət
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
-
25 noyabr – Qadınlara Qarşı Zorakılığın Aradan Qaldırılması üzrə Beynəlxalq Gün ilə başlayan və 10 dekabr – İnsan Hüquqları Günü ilə tamamlanan 16 günlük fəallıq kampaniyası qadınlara qarşı zorakılığın dayandırılması üçün qlobal çağırış platformasıdır. Bu müddətdə maarifləndirmə tədbirləri, hüquqi islahat təşəbbüsləri və ictimai kampaniyalar həyata keçirilir.
Rəy yaz