Azərbaycan Kinematoqrafçılar İttifaqının sədri Rüstəm İbrahimbəyov avqustun 2-də qeyd edilən Azərbaycan Kinosu Günü ilə əlaqədar Kinematoqrafçılar İttifaqının üzvlərinə təbrik məktubu göndərib.
“Kinematoqrafçılar İttifaqının bütün üzvlərini peşə bayramı münasibəti ilə təbrik edirəm. Son illərin ənənəsinə sadiq olaraq kino xadimlərimizin yaradıcıq uğurlarını və Milli Kinomuza verdiyi töhfələri mükafatla təltif edirik.Təəssüf edirəm ki, məndən asılı olmayan səbəblər üzündən mükafatları təqdim edilməsi mərasimində iştirak edə bilmirəm. Kinematoqrafçılar İttifaqı yarandığı vaxtlardan Milli Kinomuzun maraqlarını qoruyub, il boyu cəkilən uğurlu filmlərin müəliflərini mükafatlarla edi təltif edib.
Əgər bu günlər sizin yanınızda olsaydım bu sözlərlə sizə müraciət edərdim: “Bilmirəm bu yaxşıdır, yoxsa pis, amma bu bir faktdır ki, İttifaqımız heç vaxt siyasətlə məşğul olmayıb.
Əminəm ki, gec və ya tez ədalət bərpa olunacaq, təşkilatımız düşdüyü cətinlikərin öhdəsindən gələcəyik”. Hələliksə İttifaqın bütün üzvlərinə Azərbaycan kino tarixinndə layiqi yerini tutacaq vətəndaş şücaətinə görə minnətdarlığımı bildirirəm. Hamınızı bağrıma basıb, İttifaqın illik mükafatlarının qaliblərinin təbriklərinə qoşuluram”, deyə məktubda bildirilir.
Kinematoqrafçılar İttifaqından Turan-a verilən məlumata görö, mükafatların təqdim edilməsi mərasimi avqustun ortalarında keçiriləcək. Kinematoqrafçılar İttifaqı Katibliyinin qərarına əsasən, bu il Kİ mükafatlarına “Parisdən məktublar” sənədli filminə görə kinorejissor Tahir Əliyev, “Sirli bənövşə” filminin təsvir həllinə görə , kinooperator Nizami Abbas, Milli Kinematoqrafiyaya verdiyi töhvələrə görə Əməkdar Mədəniyyət İşçisi, səs rejissoru Əsəd Əsədov layiq görülüblər.
Ötən il aktyorlardan Fəxrəddin Manafov, Fuad Poladov, animasiya rejissoru Firəgiz Qurbanova, sənədli kino ustası Ziya Şıxlinski və kino rejissoru Fikrət Əliyev təltif olunub.
* Xatırladaq ki, məşhur kinodramaturq Rüstəm İbrahimbəyov hökumətin rəsmi siyasəti ilə razılaşmadığını ifadə etdikdən sonra hakimiyyətin təqibinə məruz qalır. İbrahimbəyov 2013-cü il seçkilərində müxalifətdən prezidentliyə namizədliyini irəli sürdükdən sonra ona qarşı təzyiq daha da güclənib. Hakimiyyət onun seçkilərdə iştirak edə bilməməsi üçün əlindən gələni edib və Bakıya qayıdacağı təqdirdə həbs ediləcəyi ilə hədələyib. -02D-
Mədəniyyət
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
-
Azərbaycanın ən sevilən sənət xadimlərindən birinə rəngarəng hörmət əlaməti olaraq, Mədəniyyət üzrə Elmi-Metodiki və İxtisasartırma Mərkəzi (MEMİM), Azərbaycan Dövlət Rəsm Qalereyası və Azərbaycan Rəssamlar İttifaqının birgə təşkilatçılığı ilə 13 dekabr 2024-cü il tarixində “Tablolarda Nağıllar” adlı sərgi-müsabiqəyə yekun vurdu. Bu tədbir, Xalq rəssamı Səttar Bəhlulzadənin nəsilləri ilhamlandırmağa davam edən ölməz yaradıcılığını qeyd etmək məqsədilə təşkil olunmuşdu.
Rəy yaz