Azərbaycan Dövlət Kukla Teatrının nəzdində isə “Oyuq” teatr-studiyası fəaliyyət göstərir.
"Azərbaycan peşəkar milli teatrının 150 illik yubileyinin qeyd edilməsi haqqında" Azərbaycan Respublikası Prezidentinin Sərəncamının icrası ilə bağlı Gəncə Dövlət Dram Teatrı, Şəki Dövlət Dram Teatrı, Lənkəran Dövlət Dram Teatrı, Naxçıvan Dövlət Milli Dram Teatrı və Naxçıvan Dövlət Kukla Teatrlarında kadr problemini aradan qaldırmaq məqsədilə həmin teatrların nəzdində teatr-studiyaları yaradılmışdır. Azərbaycan Respublikası Mədəniyyət nazirliyi bu haqda məlumat yayıb.
Hazırda Azərbaycan Dövlət Akademik Rus Dram Teatrının nəzdində “Mən aktyoram”, Azərbaycan Dövlət Kukla Teatrının nəzdində isə “Oyuq” teatr-studiyası fəaliyyət göstərir.
Dövlət Pantomima Teatrının direktoru Elman Rəfiyev kadr çatışmazlığının səbəbini gənclərin bölgələrdə işləmək istəməməsində görüb.
“Bakı teatrlarında heç bir kadr çatışmamazlığı yoxdur. Bölgələrdən gələrək Bakıda ali təhsil almış gənclər yenidən ora qayıtmaq istəmirlər. Hamı Bakıda qalmaq istəyir. Kadr çatışmazlığının da əsas səbəbi budur”.
Onun sözlərinə görə hazırda Lənkəran, Şəki, Gəncə və s. bölgələrdə olan teatrlarda kifayət qədər məşhur aktyorlarımız var. Elman Rəfiyev vurğulayıb ki, qarşılarına məqsəd qoyub bu sənətin incəliklərini öyrənərək professional sənətə qədəm qoyacaqlarsa onlar hər yerdə məşhur ola bilərlər. Məşhur olmaq üçün bölgələrdəki və ya paytaxtdakı teatrlarda işləməyin heç bir fərqi yoxdur.
“Məsələn nümunə olaraq tələbə yoldaşım Elxan Yunisi göstərə bilərəm. Elxan Abbasov Gəncə teatrının aktyorudur. Bu gün Bakıda sevilir, bütün seriallarda çəkilir, Bakı teatrları onu tamaşalara dəvət edirlər. Deməli, sən bu sənətin incəliklərini öyrənib professional sənətə qədəm qoyacaqsansa sənin üçün hər yerdə uğur var”.
Elman Rəfiyev bu sənətdə inkişafın və məşhurluğun birdən – birə olmadığını da qeyd edib.
“1994-cü ildə Pantomimo teatrı yaradılanda biz düşünməmişdik bizi kimsə sevəcək. Bizi heç kim sevmirdi. Bizə özümüzü sübut etmək üçün illər lazım oldu. Sadecə sən sənətdə özünü yox, özündə sənəti sevsən hər şeyə nail olacaqsan”.
Elman Rəfiyev Yaranan studiolar gənc aktyorların artmasında və professionallaşmasında böyük rol oynayacağını deyib. Amma o ali təhsilin də olması şərtini vurğulayıb.
“Çünki bu studiyaların yaranması orada olan professional aktyorların gənclərə birbaşa təsiridir. Studiyada məşğul olan gənclər orada daha çox bilik əldə edə biləcəklər”.
Bəzi teatr işçiləri və aktyorları teatra marağın az olduğunu qeyd ediblər. Elman Rəfiyev isə bunun belə olmadığını və teatra marağın günü-gündən artdığını vurğulayıb. Onun sözlərinə görə teatra marağın artmasının əsas səbi yeni struktur və abu-havanın gəlməsidir. Elman Rəfiyev teatrlara olan marağın artması üçün hazırda teatrlarda gücləndirilmiş iş rejiminin getdiyini deyib.
“Teatrlar çalışırlar ki, tamaşaşıların marağını oyadan tamaşalar hazırlasınlar. Hazırda biz texnologiyanın inkişaf etdiyi bir dövrdə yaşayırıq. Teatrlarda çalışırlar ki, bu texnologiyalar vasitəsilə tamaşaları daha maraqlı etsin. Tamaşaçını teatrda heyrətləndirən əsas amillər tamaşa zamanı vəziyyətə uyğun olaraq göydən qar, yağış yağması, hovuz, şəlalə və s kimi elementlərin 3D formada hazırlanmasıdır”.
Onun sözlərinə görə tamaşaçının marağı olmayan bir tamaşa səhnələşdirilərsə bu heç kimə maraqlı deyil. Elman Rəfiyev teatrların tamaşaçılara istədiklərini verməli olduğunu deyib.
“Əgər tamaşaya heç kim gəlmirsə o tamaşanı hazırlamağın nə mənası var?”
Elman rəfiyev teatrlarda xırda problemlərdən başqa heç bir ciddi problem olmadığını qeyd edib.
“Xırda problemlər olur. Onlar da zaman keçdikcə həll ediləcək. Xırda problem dedikdə maliyyə problemləri, tamaşanın hazırlanması probleminı nəzərdə tuturam. Əvvvəllər teatrlara Nazirlik tərəfindən qayğı daha yüksək idi. Amma indi teatrlar qismən büdcədən maliyyələşən təşkilatlardır. Bu o deməkdir ki, gələn gəlirdən sən özün işıq, su, qaz pulunu ödəməlisən, yeni tamaşalar hazırlamalısan. Bəzən olur ki, tamaşaçı az gəlirsə biz həmin planı ödəyə bilmirik. Bu da çətinlik yaradır. Amma bu gün teatrların bir çoxu bu problemləri öz hesablarına həll edə bilirlər”.
Mədəniyyət
-
Ekranın cazibəsi tez-tez aktrisaların, xüsusilə yaşlandıqca qarşılaşdıqları ifadə olunmayan mübarizələri gizlədir. Parlaq işıqların və alqışların arxasında, stereotiplərlə, cəmiyyətin təzyiqləri ilə və məhdud imkanlarla dolu bir reallıq dayanır. Bir çox aktrisa üçün zamanın keçməsi yalnız şəxsi kimliklərini deyil, həm də gənclik və ənənəvi gözəllik standartlarına fokuslanmış bir sənayedə peşəkar varlıqlarını təhdid edir.
-
Bakının hərəkətli küçələrində, dəbin şəhərin siluetləri qədər dinamik olduğu bir mühitdə, sakit bir inqilab baş verir. Azərbaycanın tullantıların idarə edilməsində əldə etdiyi uğurlara baxmayaraq, geyim və tekstil tullantıları məsələsi ətraf mühitin inkişafına kölgə salmaqda davam edir. Təkcə 2023-cü ildə ölkədə 2,7 milyon ton bərk məişət tullantısı yaranıb. Bu rəqəm atılan geyimlərin artan miqyasını gizlətsə də, qlobal trendlərlə bənzərlikləri nəzərə çarpır. ABŞ-da hər il təxminən 17 milyon ton geyim tullantıya atılır, Avropa İttifaqında isə bu rəqəm 5,8 milyon tona çatır. Proqnozlara əsasən, sürətli dəbin inkişafı ilə bu göstərici 2050-ci ilə qədər 175 milyon tona qədər yüksələ bilər.
-
Azərbaycanda ianə mədəniyyəti zəngin tarixi keçmişə malik olsa da, müasir dövrdə bu ənənənin qarşılaşdığı problemlər də az deyil. İanələrin hədəf auditoriyaya çatması ilə bağlı şəffaflıq məsələləri, insanların inamının azalması və davamlı dəstək mexanizmlərinin olmaması bu sahədə əsas problemlərdən biridir. Həmçinin, ianə mədəniyyətinin təbliğatının zəif olması cəmiyyətin daha geniş təbəqələrində bu anlayışın inkişafına mane olur. İanələrin sosial təsirini artırmaq üçün həm maarifləndirmə, həm də müasir həllər vacibdir.
-
Soyuq bir dekabr həftəsonunda, Bakının mərkəzində yerləşən Passage1901 məkanı yaradıcılıq, ticarət və icma ruhunun canlandığı bir məkan oldu. Yerli brendləri, sənətkarları və kiçik biznesləri dəstəkləməyə həsr olunmuş “Bizimkilər” Festivalı 14-15 dekabr tarixlərində uzun fasilədən sonra yenidən baş tutdu. İki gün davam edən yenilikçi proqramla festival bir daha sənət ifadəsi, yerli sahibkarlıq və xeyriyyəçilik üçün canlı bir platforma olduğunu sübut etdi.
Rəy yaz