Bakı/30.03.19/Turan: Ankaradakı "Cedit" nəşriyyatı "erməni məsələləri"nə dair tanınmış mütəxəssis, Kayseridəki Erciyes universitetinin professoru Qafar Çaxmaqlının (Mehdiyev) "Bolşevik bir ermeni"nin hatıraları" adlı kitabını çap edib.Kitabda uzun müddət SSRİ-nin yüksək vəzifəli idarəçilərindən biri olmuş Anastas Mikoyanın xatirələrindən mühüm məqamlar öz əksini tapıb.
Türkiyənin tannınmış tarixçisi, Ankaradakı Yeni düşüncə araşdırmalar mərkəzinin əməkdaşı, professor Kemal Çiçek kitaba ön söz yazıb.
"Erməni məsələsi"nə dair növbəti kitabının çapdan çıxması münasibətiylə Turan agentliyinin Türkiyə bürosuna açıqlama verən professor Qafar Çaxmaqlı deyib:"1937-ci ildə Ermənistanda 700 nəfərin cəzalandırılması üçün siyahı hazırlananda Anastas Mikoyan 1500 nəfərin cəzalandırılmasını tələb edib.Ermənilər bunu heç vaxt unutmur.Dağlıq Qarabağın Azərbaycanın tərkibində olmasını istəyən Mikoyanı ermənilər bu mövqeyinə görə də sevməyiblər.Onun bir çox məsələdə erməni milliyyətçiləri və daşnaklarla fərqli mövqeələrdə durması 
kitabımda təfərrüatlarıyla işıqlandırılıb.Tarixi sənədləri,yüksək vəzifə tutmuş şəxslərin xatirələrini ictimaiyyətlə bölüşdükcə "erməni məsələsi"nin daxili mahiyyəti daha yaxşı başa düşüləcək"
2011-ci ildən bəri Kayseridəki Erciyes universitetində dərs deyən Qafar Çaxmaqlı tələbələrin və sıravi şəxslərin istifadə etməsi məqsədiylə erməni dilini öyrənmə 272 səhifəlik metodik dərslik hazırlayıb.Elmi tədqiqatlarına görə, Erciyes universitetinin senatı Qafar Çaxmaqlıya professor titulu verib.Professor Çaxmaqlı "erməni məsələsi"nə dair Türkiyədə ən mötəbər mütəxəssislərdən biri hesab edilir.
Mədəniyyət
-
11 fevralda Bakıda yerləşən Ritual Teatr və Yaradıcılıq Laboratoriyasında “Bakının Əriyən Qar Hekayələri” adlı güclü sənədli teatr tamaşası nümayiş etdirildi. Bu tamaşa, məkan əsaslı teatr üzrə keçirilən bir işgüzar məşğələni yekunlaşdırır. Məşğələdə müxtəlif yaş qruplarından 15 sənətçi iştirak edib, hamısı hekayə anlatımının transformativ gücünü istifadə edərək iqlim dəyişikliyini araşdırmağa çalışıb. Tədbir, Böyük Britaniyalı rejissor Sebastian Harcombe (SECRET/HEART Theatre Company) və Ritual Teatrın rəhbəri Aynur Zərrintac tərəfindən idarə edilib və Britaniya Şurası tərəfindən dəstəklənib.
-
Nizami Kino Mərkəzində Elməddin Alıyevin "Qayıdış" tammetrajlı sənədli filminin təqdimat mərasimi keçirilib. Film Qarabağ münaqişəsindən sonra doğma yurdlarına qayıdan bir arıçı ailəsinin hekayəsini izləyicilərə göstərir.
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
Rəy yaz