Bakı/01.05.19/Turan: Mayın 1-də Avropa İttifaqı Azərbaycan nümayəndəliyinin təşkil etdiyi "Imagine" tolerantlıq festivalı başlayır.
Festival çərçivəsində tədbirlər Bakıda və Gəncədə keçiriləcək. Festival mayın 15-də başa çatacaq.
Təşkilatçıların məlumatına görə, festivalda 18 tərəfdaş ölkə iştirak edəcək. Azərbaycana doqquz xarici qonaq gələcək. Üç konsert, fotosərgi, 5 ustad dərsi və debatlar olacaq, 30 film nümayiş etdiriləcək.
Festival çilili saksofonçu Marselo Monkadonun konserti ilə başlayacaq. O, "İçərişəhər" metro stansiyasında çıxış edəcək. Monkado Bakı metropolitenində ifa edən ilk əcnəbi musiqiçi olacaq.
Festivalın ilk günündə fransız fotoqraf, hazırda Brüsseldə fəaliyyət göstərən Nikol Landmardın sərgisi açılacaq. N.Landmardın Aİ-nin rəsmi tədbirləri, Brüsseldə Aİ-nin rəsmi binalarının yerləşdiyi Avropa məhəlləsi, truppası bu şəhərdə yaşayan qaçqınlardan ibarət olan Lion teatrının faliyyətinə dair işləri nümayiş etdiriləcək.-71D-
Mədəniyyət
-
Yanvarın 16-da nüfuzlu Gazelli Art House Elnarə Nəsirlinin irimiqyaslı “Meşənin Pıçıltısı – Səsin Sehri” adlı sərgisinin ikinci qapalı təqdimatına yenidən qapılarını açdı. Azərbaycanlı rəssamın bu sərgisi müxtəlif ölkələrin diplomatları, səfirlik nümayəndələri və xüsusi dəvətli qonaqlar tərəfindən böyük maraqla qarşılandı. Tədbir sərginin mədəniyyətlərarası və ekoloji əhəmiyyətini bir daha vurğuladı.
-
Hər il yanvarın 13-də Litva xalqı 1991-ci ildə müstəqillik uğrunda həyatlarını qurban vermiş qəhrəmanlarını anaraq Azadlıq Müdafiəçiləri Gününü qeyd edir. Bu mühüm tarix, Litva tarixində azadlıq iradəsinin Sovet təzyiqləri üzərində qələbə çaldığı dönüş nöqtəsini simvolizə edir. Həmin gün 14 nəfər həlak oldu, yüzlərlə insan yaralandı, lakin azadlıq arzusu heç vaxt sarsılmadı. Azadlıq Müdafiəçiləri Günü, Litva xalqının keçmişinə nəzər saldığı və azadlığın həqiqi qiymətini dərk etdiyi bir gündür.
-
YARAT Müasir İncəsənət Məktəbinin 2-ci buraxılış məzunları öz yaradıcı təxəyyüllərini “Sonluqdan Sonsuzluğa” adlı sərgi vasitəsilə tamaşaçılarla paylaşırlar.
-
Azərbaycanın zəngin mədəni irsi arasında teatr sənəti xüsusi yer tutur. Lakin bu irsin mühüm bir hissəsi olan bölgə teatrları uzun illər boyu paytaxt tamaşaçısından kənarda qalıb və tamaşaçı auditoriyası paytaxta nisbətən məhduddur. "Bölgə teatrlarının Bakı premyerası" layihəsi, bu boşluğu aradan qaldırmaq məqsədilə həyata keçirilərək, bölgə teatrlarını Bakı səhnəsinə daşımaqla həm yerli teatr sənətinə yeni nəfəs gətirir, həm də mədəniyyətlərarası dialoqu gücləndirir.
Rəy yaz