
Cümə günü YUNESKO İcra Şurasının sədri rəsmi olaraq Təşkilatın Baş Direktoru vəzifəsinə 9 namizədin adlarını elan edib. Azərbaycandan Polad Bülbüloğlu ilə yanaşı, namizədlər arasında Vyetnam, Misir, Qətər, Çin, Qvatemala, İraq, Livan və Fransa nümayəndələri var. Bu barədə Turan-a BMT-nin mətbuat xidmətindən bildiriblər.
YUNESKO baş direktoru İcra Şurasının tövsiyəsi ilə Baş Konfransda təyin edilir.
9 namizəd İcra Şurasının 2017-ci il aprelin 26-27-də keçiriləcək 201-ci sessiyasında söhbət mərhələsindən keçəcək.
Daha sonra oktyabrda Şuranın 202-ci sessiyasında gizli səsvermə olacaq.
Yekun qərar 2017-ci ilin noyabrında YUNESKO-nun Baş Konfransının 39-cu sessiyasında qəbul ediləcək.
Polad Bülbüloğlu müğənni və bəstəkar, hazırda Azərbaycanın Rusiyadakı səfiridir.
Rəy yaz