10 il sonra Cənubi Qafqaz ölkələri inteqrasiya olunacaq - İlham Əliyev

Bakı/29.04.22/Turan: Mayın əvvəllərində Azərbaycan və Ermənistan nümayəndələri Brüsseldə görüş keçirə bilər. Bu barədə dövlət başçısı İlham Əliyev cümə günü "Cənubi Qafqaz: inkişaf və əməkdaşlıq" konfransında çıxış edərkən bildirib.

Bakı və Yerevanın münasibətləri normallaşdığı təqdirdə Ermənistan üçün yeni imkanlar açılacaq. Azərbaycanın bütün qonşuları ilə yaxşı münasibətləri var, Ermənistanla da belə münasibətlərinin olmasını istərdi, deyə o qeyd edib.

"Eyni zamanda, Azərbaycan yeni müharibə istəmir və Ermənistan tərəfdən yeni revanşist risklərdən özünü qorumalıdır", deyə Əliyev əlavə edib.

O, Avropa İttifaqının ATƏT-in Minsk Qrupunun yerinə vasitəçilik missiyasını öz üzərinə götürəcək. "Biz Avropa İttifaqını dürüst iştirakçı hesab edirik və onun münasibətlərin normallaşması prosesində rol oynaya biləcək vasitəçilik səylərini alqışlayırıq", deyə o qeyd edib.

Yaxın 10 ildə Azərbaycan daha da güclənəcək və Ermənistanla problemlərin nizamlanacağına ümid var. Bu müddət ərzində Cənubi Qafqaz regionu tamamilə inteqrasiya olunacaq və üç ölkə arasında sıx əməkdaşlıq qurulacaq, bunun üçün hər cür imkan var, deyə Əliyev bildirib. -02D-