Bakı/25.01.19/Turan: Son vaxtlar Ermənistan və Azərbaycan liderləri müntəzəm görüşlər keçirir və saatlarla müzakirələr aparırlar. Bu, ciddi müzakirələrin, danışıqlar masasında olan konkret layihə ətrafında alverin getdiyindən xəbər verir. Bu barədə rusiyalı politoloq Stanislav Tarasov Ermənistanın "168 jam" qəzetinə bildirib.
Davosda N.Paşinyanla İ.Əliyev arasındakı sonuncu görüşü şərh edən S.Tarasov qeyd edib ki, "Əliyev "çox şən idi, Paşinyan isə sıxılmış vəziyyətdə. Çünki bu partiyanı Əliyev qazanır. Paşinyan bildirib ki, Arsax danışıqlar tərəfi olmalıdır, ancaq bu istiqamətdə heç bir addım atılmayıb".
"Erməni politoloqlar və ekspertlər- romantiklər əgər hesab edirlər ki, Qarabağ olmadan heç bir şey həll edilə bilməz, görsünlər ki, həll edilir", - o deyib.
Politoloq bildirib ki, iyunda N.Paşinyan və İ.Əliyev Qarabağa dair saziş imzalayacaqlar. Sazişə əsasən erməni tərəfi dolayı kompromislər kontekstində bir neçə rayonu güzəştə getməli olacaq.
Bundan sonra Türkiyə parlamenti Ermənistan-Türkiyə protokoluna qayıdacaq və onu ratifikasiya edəcək, diplomatik münasibətlər qurulacaq, nizamlanmanın paket layihəsi ortaya qoyulacaq", - S.Tarasov hesab edir.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz