Mayın 28-də Azərbaycanda Respublika Günü qeyd olunur. Respubika Günü rəsmi dövlət bayramıdır və iş günü deyil. Azərbaycanın və digər Qafqaz ölkələrinin müstəqilliyi Birinci Dünya müharibəsi və Rusiya imperiyasında mərkəzi hakimiyyətin zəifləməsinə səbəb olan siyasi proseslər başa çatdıqdan sonra mümkün olub. Lakin Rusiya imperiyası Cənubi Qafqaz xalqları arasında təfriqələr salmaqla onların Zaqafqaziya konfederasiyasında birləşməsinə imkanı verməyib.
Azərbaycan Xalq Cümhuriyyətinin (AXC) yaranması 1918-ci il mayın 28-də elan edilib. Bununla da AXC Şərqdə yaranan ilk demokratik dövlət olub. Müstəqillik Bəyannaməsi Milli Şuranın ilk toplantısında qəbul edilib. Milli Şuranın ilk başçısı isə böyük öndər Məmməd Əmin Rəsulzadə olub.
Azərbaycan müvəqqəti hökumətinin ilk başçısı isə Fətəli Xan Xoyski seçilib. 10 gün Milli Şura Tiflisdə işləyib, sonra Gəncəyə köçürülüb. Gəncədə Milli Şura öz işini dayandıraraq səlahiyyətlərini hökumətə verib.
Yalnız 1918-ci ilin sentyabrında - Bakı Rusiyapərəst qüvvələrdən alınandan sonra hökumət Gəncədən Bakıya köçüb. AXC Versal sülh konfransında de-fakto tanınıb. AXC-nin ömrü 23 ay sürüb. 1920-ci il aprelin 28-də işğalçı sovet qoşunları Azərbaycana soxularaq ölkəni işğal edib.
1991-ci ildə SSRİ dağıldıqdan sonra Azərbaycan özünü Xalq Cümhuriyyətinin varisi elan edərək dövlət müstəqilliyini bərpa edib.-06D-
Siyasət
-
Noyabrın 26-da Bakı Apellyasiya Məhkəməsində hüquq müdafiəçisi Anar Məmmədlinin həbsindən verdiyi şikayətinə baxılıb.
-
Noyabrın 26-da Naxçıvan Xüsusi Təyinatlı Qüvvələrinin ehtiyatda olan zabitləri etiraz aksiyası keçiriblər.
-
Noyabrın 26-da Bakı Apellyasiya Məhkəməsində keçmiş diplomat Emin İbrahimovun həbs müddətinin uzadılmasından verilmiş şikayətə baxılıb.
-
Həbsdə olan iqtisadçı alim Fazil Qasımov noyabrın 16-da ailəsi ilə telefon danışığının kəsilməsinə etiraz etdiyinə görə təzyiqə məruz qalıb.
Rəy yaz