Açiq mənbələrdən foto.
Bakı/18.03.21/Turan: Bu gün əfv olunmuş 625 nəfərin arasında 38 nəfər siyasi məhbus var, bu barədə Turan-a hüquq müdafiəçisi Rəsul Cəfərov bildirib.
Onların arasında 2015-ci ildə Nardaran qəsəbəsində baş vermiş iğtişaşlarla bağlı mühakimə olunmuş 28 nəfər var.
Xalq Cəbhəsi Partiyasının 4 üzvü və onların arasında jurnalist Elçin İsmayıl da azad edilib.
2018-ci ildə Gəncədə baş vermiş iğtişaşlar işi üzrə mühakimə olunmuş bir nəfər azad edilib.
Məktəbdə hicabın qadağan edilməsinə etiraza görə məhkum edilən İslam Partiyası üzvlərindən biri azadlığa çıxıb.
Digər bir siyasi məhbus isə xaricdə yaşayan siyasi mühacirin qohumudur.-02D-
* * *
2021 Mart 18 (Cümə axşamı) 17:06:48
Prezident İlham Əliyev əfv fərmanı verib
Bakı/18.03.21/Turan: Martın 18-də prezident İlham Əliyev bir neçə yüz məhkumun əfv edilməsi barədə fərman verib. Bəzilərinin azadlıqdan məhrum olunma müddəti azaldılıb, bir qismi isə azad ediləcək.
Əfv olunanların ümumi sayı 625 nəfərdir.
Belə ki, 475 nəfər azadlığa çıxacaq.
98 məhkumun azadlıqdan məhrum olunma müddəti yarıya qədər azaldılıb.
Ömürlük məhbuslardan üçünün cəzası 25 il müddətinə müəyyən edilib.
İki nəfər şərti cəzadan azad edilib.
Üç nəfər təxirə salınmış cəzadan azad edilib.
9 nəfər azadlığın məhdudlaşdırılmasından azad edilib.
12 nəfər islah işlərindən azad edilib.
23 nəfər cərimələrdən azad edilib.
Əfv olunanlar arasında siyasi məhbus hesab olunan şəxslər də var.-02D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz