Bakı/22.04.20/Turan: Koronavirus infeksiyasının yayılmasının qarşısının alınması məqsədilə tətbiq edilmiş xüsusi karantin rejimi şərtlərinə uyğun olaraq ölkəyə girişi müvəqqəti qadağan edilmiş Azərbaycan vətəndaşlarının Rusiyadan qayıdışı başlayıb. Bu barədə Azərbaycan XİN mətbuat xidmətinin 22 aprel tarixli məlumatında bildirilir.
Xatırladılır ki, Azərbaycan vətəndaşlarının RF-dan Vətənə mütəşəkkil qayıdışını təmin etmək üçün geri dönmək istəyənlərə www.evegedirem.info xüsusi portalında qeydiyyatdan keçmək təklif olunub.
Son günlər ərzində Azərbaycan Respublikasının RF- dakı səfirliyinin dəstəyi, eləcə də Rusiyanın aidiyyatı dövlət qurumları ilə əlaqələndirmə və əməkdaşlıq çərçivəsində bir qrup vətəndaşın sərhəd- keçid məntəqəsində xüsusi dəhliz vasitəsilə ölkəyə qayıdışı təmin edilib. Aprelin 20-dən sərhəddi 548 nəfər keçib və onların hamısı müəyyən müddətə karantinə yerləşdirilib.
XİN xatırladır ki, “Evə gedirəm” portalında qeydiyyatdan keçmiş şəxslər növbəti keçidin tarixi barədə telefon zəngi və ya SMS vasitəsilə öncədən məlumatlandırılacaq.
Rusiya Federasiyası ərazisində olan və xüsusi portalda qeydiyyatdan keçmiş vətəndaşların qabaqcadan sərhəd-keçid məntəqələrinə və hava limanına getməsinə heç bir zərurət yoxdur. Onlara öz yaşayış yerlərində qalmaq və müvafiq məlumatı gözləmək tövsiyə olunur, - Azərbaycan XİN-in məlumatında deyilir. 06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz