600-ə yaxın baş zabit türk ordusundan tərxis edilib

Türkiyə Ali Hərbi Şurasının qərarı ilə ölkə SQ-nin 586 polkovniki ehtiyata gödərilib, xəbəri çərşənbə axşamı “Anadolu” agentliyi yayıb.

Mənbənin məlumatına görə, 434 polkovniki xidmət müddəti 2 il uzadılıb. Türkiyə prezidenti Erdoğan bu qərarı təsdiq edib.

Eyni zamanda, Erdoğan yüksək rütbəli hərbiçilərin sayını azaltmaq üçün zabitlərin xidmət müddətini 28 ilə qədər qısaltmaq barədə qərar qəbul edib, bu barədə Türkiyənin Müdafiə Nazirliyi məlumat yayıb.

Çevriliş cəhdindən sonra ölkə hakimiyyəti dövlət apararının və özəl qurumların “Fətullahçılar terror təşkilatının” (FETÖ) üzvlərindən kütləvi təmizlənməsinə başlayıb. Bu tədbirlər nəticəsində hazırda Gülənlə əlaqələrdə ittiham olunan 16 min nəfər həbsdədir. 6 mindən çox insan saxlanılıb, 7,5 min nəfərdən ölkədən çıxmamaq haqqında iltizam alınıb. 81 mindən çox dövlət qulluqçusu işdən müvəqqəti olaraq azad edilib və ya qovulub.

Üç mindən çox hərbi qulluqçu, o cümlədən 150 general və admiral da rütbələrindən və Silahlı Qüvvələrdə vəzifələrindən məhrum ediliblər.

Türkiyədə dövlət çevrilişi cəhdi iyulun 16-na keçən gecə törədilib. -02D-