Açiq mənbələrdən foto.
Vaşinqton/20.07.22/Turan: Bayden Administrasiyası Ukraynaya növbəti hərbi yardım paketini hazırlayır. Bu paketə yeni HİMARS sistemləri partiyası və müxtəlif artilleriya silahları daxildir, xəbəri Turan-ın müxbiri verib.
Ağ Evin Milli Təhlükəsizlik Şurasının sədri Con Kirbi çərşənbə axşamı yeni təhlükəsizlik tədbirləri paketinin Ukraynanın şərqində döyüş əməliyyatlarına uyğunlaşdırılacağını təsdiq edib.
Sonuncu, 16-cı yardım paketi fevralda müharibənin başladığı andan bu günə qədərki hərbi yardımın ölçüsünü 8 mlrd. dollara çatdıracaq. Bu addım Ukraynanın birinci ledisi Yelena Zelenskanın Vaşinqtona səfəri ilə bağlıdır. O, burada birinci ledi Cill Baydenlə görüşüb və rəsmi şəxslərlə geniş ikitərəfli görüşdə iştirak edib.
Ağ Evdə Zelenskanı prezident Co Bayden və həyat yoldaşı qarşılayıblar. Zelenska maşından düşərkən prezident ona böyük gül buketi təqdim edib və iki birinci ledi qucaqlaşıblar.
Ağ Evin məlumatına görə, birinci ledilər ABŞ-ın öz demokratiyasını müdafiə edən, "uzun illər boyunca təsiri hiss olunacaq" böyük insan itkiləri verən Ukraynaya və ölkə xalqına dəstəyini müzakirə ediblər. 25B
Siyasət
-
Bazar ertəsi ABŞ bildirib ki, Ukraynaya 725 milyon dollar məbləğində hərbi yardım göndərəcək, Turan-ın Vaşinqton müxbiri bildirib.
-
ABŞ-ın Azərbaycandakı səfiri Mark Libbi dekabrın 3-də bəyanat verərək istefa verdiyini açıqlayıb. Səfirliyin “Facebook” səhifəsində dərc olunan bəyanatda deyilir:
-
Dekabrın 3-də dövlət başçısı İlham Əliyev Azərbaycana yeni təyin olunmuş səfirlərin etimadnamələrini qəbul edib: Məhəmməd Saleh Əhməd Turiq (Yəmən), Enrike Kalderon (Salvador), Sid Əhməd əl-Bekaye Hamadi (Mavritaniya).
-
Çərşənbə axşamı Azərbaycanın xarici işlər naziri Ceyhun Bayramov İqtisadi əməkdaşlıq Təşkilatının xarici işlər nazirlərinin işində iştirak etmək üçün İranın Məşhəd şəhərinə gedib.
Rəy yaz