ABŞ Azərbaycanda demokratiyanı dəstəkləyir

ABŞ dövlət katibi Con Kerri  28 May - Respublika Günü münasibətilə Azərbaycan prezidentinə təbrik məktubu göndərib.

Məktubda deyilir ki, Vaşinqton Azərbaycanın suverenliyini və demokratik inkişafını dəstəkləyir.

“Azərbaycan xalqı 97 il əvvəl müsəlman dünyasında ilk dünyəvi demokratik respublika yaradıb. Həmin vaxtdan, eləcə də 1991-ci ildə Sovet İttifaqının tərkibindən ayrılaraq müstəqilliyinizi elan etdiyinizdən bəri ölkələrimiz Azərbaycanın müstəqilliyinin təminatında birgə əməkdaşlıq edir”, - dövlət katibi vurğulayıb.

C.Kerri həmçinin Vaşinqtonun və Bakının terrorizmlə mübarizədə və Əfqanıstanda NATO-nun missiyası vasitəsilə regional və beynəlxalq təhlükəsizliyin təminatında əməkdaşlığını qeyd edib.

O əlavə edib ki, ABŞ Dağlıq Qarabağ münaqişəsinin sülh yolu ilə həll olunmasına sadiq qalır.

Qeyd edək ki, son həftələr Azərbaycan hakimiyyəti ən yüksək səviyyədə bəyan edib ki, ABŞ antiazərbaycan kampaniyası təşkil edib ki, məqsəd rejimin dəyişdirilməsinə nail olmaqdır. Guya bu planlar “Kerrinin kabinetində hazırlanır”.-02D-