ABŞ-ın ATƏT-dəki nümayəndəsi Bakı ofisinin mandatının dəyişdirilməsi haqqında
ATƏT Daimi Şurasında ABŞ-ın müvəqqəti işlər vəkili Harri Robins ATƏT-in Azərbaycandakı missiyasının mandatının azaldılması ilə əlaqədar bəyanatla çıxış edib.
ABŞ ATƏT ofisinin hazırki mandatının ilin sonuna qədər təşkilatın Bakıda “mühüm” mövcudluğunun saxlanması haqqında Azərbaycan hökuməti ilə razılıq əldə edilməsindən məmnundur.
“Biz ona görə konsensus əldə etdik ki, ofisin Azərbaycana ATƏT-in üç meyarı üzrə öhdəliklərini yerinə yetirməsinə kömək edən mühüm işini qətiyyətlə dəstəkləyirik. Şadıq ki, ofis ATƏT prinsiplərinin və öhdəliklərinin həyata keçirilməsi məqsədilə Azərbaycan hökuməti və ATƏT institutları arasında əməkdaşlığı dəstəkləməyə davam edəcək. Biz Azərbaycanın demokratik inkişafı da daxil olmaqla, ATƏT-ün bütün üç meyarı üzrə öhdəliklərin təmin edilməsinə və yerinə yetirilməsinə kömək edən hazırki razılaşmanı alqışlayırıq”, deyə bəyanatda bildirilir.
Daha sonra Robbins qeyd edir ki, istənilən həqiqətən demokratik dövlət üçün əsas qanunun aliliyinə, insan hüquqlarına və əsas azadlıqlarına, o cümlədən birləşmək, toplaşmaq və ifadə azadlıqlarına hörmətdir.
“Biz Azərbaycan hökumətinin ATƏT-in yerlərdə daimi və möhkəm iştirakı məsələlərini necə həll edəcəyinə baxacağıq, üç meyar üzrə işlər aparacağıq, hazırki və gələcək mandatda nəzərdə tutulduğu kimi, Azərbaycan cəmiyyətinin bütün spektri ilə qarşılıqlı fəaliyyət göstərəcəyik”, deyə bəyanatda qeyd edilib. -02D-
Siyasət
-
Azərbaycan Prezidenti İlham Əliyev Çex Respublikasının Milli Bayramı münasibətilə Çexiya Prezidenti Petr Pavelə təbrik məktubu göndərib. Məktubda Prezident Əliyev öz adından və Azərbaycan xalqı adından səmimi arzularını çatdıraraq Çexiya liderinə və xalqa ən xoş təbriklərini və arzularını ifadə edib.
-
Bakı Apellyasiya Məhkəməsi Azərbaycan Xalq Cəbhəsi Partiyasının fəalı Tehran Abdullayevin narkotik maddə istifadəsi ilə bağlı inzibati həbsini qüvvədə saxlayıb.
-
Gürcüstanda keçirilən parlament seçkilərində hakim Gürcü Arzusu Partiyası erməni və azərbaycanlı əhalinin sıx olduğu rayonlarda çoxluq qazanıb: Axalkalaki – 88 faiz, Ninotsminda – 90 faiz, Marneuli – 80 faiz, Bolnisi – 81 faiz, Tetritskaro – 68,6 faiz, Dmanisi – 76,4 faiz, Tsalka – 69,3 faiz və Qardabani – 70,8 faiz. Marneulidə bülletenlərin atılmasına dair kadrlar Gürcüstanda və onun hüdudlarından kənrda sosial şəbəkələrdə geniş yayılıb. Gürcü Arzusu milli azlıqların az olduğu Tbilisidə uduzub.
-
ABŞ və avropalı müttəfiqlər müşahidəçilərin Gürcüstanda seçki pozuntuları ilə bağlı xəbərləri tam araşdırmaq çağırışlarına qoşulublar, Turan-ın Vaşinqton müxbiri bildirib.
Rəy yaz