Açiq mənbələrdən foto.
Bakı/02.03.23/Turan: ABŞ-ın Azərbaycandakı müvəqqəti işlər vəkili İranla sərhədə gedib. Bu barədə ABŞ-ın Azərbaycandakı səfirliyinin Facebook səhifəsində bildirilib.
"Müvəqqəti işlər vəkil Gevara Azərbaycan Dövlət Gömrük Komitəsinin Astaradakı ofisinə baş çəkib və Azərbaycanın cənub sərhədi boyunca narkotik maddələrin qanunsuz dövriyyəsinin qarşısının alnması üçün ABŞ- təqdim etdiyi avadanlığın istifadəsilə tanış olub", - məlumatda deyilir.
Demək olar ki, hər həftə Azərbaycanın hüquq-mühafizə orqanları İrandan qaçaqmalçılıq yolu ilə gətirilən onlarla kiloqram narkotik maddənin müsadirə edilməsi barədə məlumat yayırlar.
Bundan əlavə, İran-Azərbaycan sərhədində mütəmadi olaraq narkotik maddə alverçilərilə Azərbaycan sərhədçiləri arasında silahlı toqquşmalar baş verir. Hər iki tərəfdən ölən və yaralananlar var.
Narkotik maddə qaçaqmalçılığının qarşısının alınması ilə bağlı məsələlər Azərbaycan və İran rəsmi şəxslərinin görüşlərində dəfələrlə müzakirə olunub. Lakin İrandan qanunsuz narkotik maddə dövriyyəsi artmaqda davam edir. 16D
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz