Azərbaycan inkişaf etməkdə olan ölkələrin postpandemiya bərpasına 1 milyon dollar ayıracaq

Bakı/02.03.23/Turan: Azərbaycan inkişaf etməkdə olan ölkələrin pandemiyadan sonrakı bərpasına 1 milyon dollar ayıracaq. Bu barədə prezident İlham Əliyev bu gün Bakıda Qoşulmama Hərəkatının COVID-19-a qarşı mübarizə üzrə Təmas Qrupunun sammitində çıxış edərkən bildirib.

"COVID-19 pandemiyası dövründə olduğu kimi, Azərbaycan Qoşulmama Hərəkatının ehtiyacı olan üzv ölkələrinə maliyyə və humanitar yardım göstərməyə davam edəcək. Burada iki qlobal vəzifəni bəyan edirəm. Onlar Afrika və inkişaf etməkdə olan kiçik ada dövlətlərin postpandemiya bərpasına dəstək verməlidirlər", - Əliyev deyib.

O bildirib ki, Azərbaycan ilk donor ölkə kimi hər iki qlobal vəzifəyə 1 milyon ABŞ dolları məbləğində vəsait ayırır. "Mən inanıram ki, Qoşulmama Hərəkatının üzvləri və beynəlxalq birliyin digər üzvləri Azərbaycanın təşəbbüsünü dəstəkləyəcəklər və pandemiyadan sonrakı bərpa dövründə ehtiyacı olan ölkələrə dəstəkdə bizə qoşulacaqlar", - Əliyev qeyd edib.

O xatırladıb ki, Azərbaycan pandemiyanın kəskin fazası dövründə 80-dən çox ölkəyə humanitar və maliyyə yardımı göstərib, onların əksəriyyəti ikitərəfli kanallar və ya Ümumdünya Səhiyyə Təşkilatının xəttilə Qoşulmama Hərəkatının üzvüdür. 06B