![ABŞ Müdafiə Nazirliyinin Humanitar Yardım Proqramı çərçivəsində Bərdədə yeni məktəb tikilib](https://turan.az/resized/media/2018/main/110700014575-750-500-resize.webp)
ABŞ Müdafiə Nazirliyinin Humanitar Yardım Proqramı çərçivəsində Bərdədə yeni məktəb tikilib
Bakı/07.11.18/Turan: Noyabrın 7-də Bərdə rayonunun Güloğlular kəndində (Bakıdan 305 kilometr qərb) 220 yerlik yeni məktəb binasının açılışı olub.
ABŞ-ın Azərbaycandakı səfirliyinin məlumatına görə, yerli sakinlər və məcburi köçkünlər üçün nəzərdə tutulan məktəb binası ABŞ Müdafiə Nazirliyinin Humanitar Yardım Proqramı çərçivəsində ABŞ-ın Bakıdakı səfirliyinin Müdafiə Əməkdaşlığı İdarəsi tərəfindən inşa edilib.
Bu gün ABŞ-ın və Azərbaycanın bir sıra rəsmilərinin, o cümlədən ABŞ-ın müvəqqəti işlər vəkili William Gill, Qaçqın və məcburi köçkünlərlə iş üzrə Dövlət Komitəsinin nümayəndələri, Təhsil Nazirliyi, Bərdə İcra hakimiyyəti və ABŞ Ordusu Mühəndislər Korpusunun (USACE) iştirakı ilə məktəbin rəsmi açılışı olub.
Bu layihə ABŞ Müdafiə Nazirliyinin Humanitar Yardım Proqramı vasitəsilə Azərbaycanda inşa edilən sayca 17-ci məktəb layihəsidir. Gələcək il üçün on səkkizinci məktəbin tikilməsi planlaşdırılır.
2003-cü ildən etibarən ABŞ Müdafiə Nazirliyi, məktəb tikintisi və su təchizatı layihələri daxil olmaqla, Azərbaycanda məcburi köçkün ailələrinə yardım məqsədilə həyata keçirilən 23 humanitar yardım layihəsini maliyyələşdirmək üçün təxminən 6 milyon dollar vəsait ayırıb. -03D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz