ABŞ prezidenti İlham Əliyevi Müstəqillik Günü münasibətilə təbrik etməyib

ABŞ-ın Azərbycandakı səfirliyi Azərbaycanın dövlət müstəqilliyinin bərpasının 25-ci ildönümü ilə bağlı  bəyanatla çıxış edib.

Bəyanatda deyilir: “Müstəqillik Gününün 25-ci ildönümü münasibətilə Azərbaycan xalqını təbrik edirik. Amerika Birləşmiş Ştatları Azərbaycanın müstəqilliyini tanıyan ilk dövlətlərdən biridir  və ölkəmiz o vaxtdan bəri birgə qurduğumuz səmimi dostluğu yüksək dəyərləndirir. Azərbaycan müstəqilliyinin 25 ilində böyük nailiyyətlər əldə edib. Biz ifadə azadlığını, siyasi iştirakı, qanunun aliliyini təbliğ etmək, iqtisadi inkişafı gücləndirmək, terrorizmlə mübarizə aparmaq və Azərbaycan vətəndaşlarının hüzurlu və sabit gələcəyini təmin etmək tədbirlərinə dəstək vermək məqsədilə birgə çalışmağa davam etməyə hazırıq. ABŞ Dağlıq Qarabağ münaqişəsinin danışıqlar yolu ilə həll olunmasında vasitəçilik roluna sadiq olaraq qalır. Əsrin dörddə biri qədər mövcüd olan müstəqilliyin bu əlamətdar ildönümü münasibətilə amerikalılar azərbaycanlılara ən xoş arzularını çatdırırlar”.

Qeyd edək ki, uzun illər ərzində ilk dəfədir ki, ABŞ prezidenti Azərbaycan xalqını və prezidentini təbrik etməyib. -03D-