ABŞ Rusiyanı həbs olunmuş amerikalılardan "siyasi alver obyekti" kimi istifadə etməyi dayandırmağa çağırır
ABŞ Rusiyanı həbs olunmuş amerikalılardan "siyasi alver obyekti" kimi istifadə etməyi dayandırmağa çağırır
"Hesab edirik ki, Rusiya Evan Qerşkoviç və ya beş ildir həbsdə olan Pol Uilan kimi şəxslərdən siyasi alver obyekti kimi istifadə etməyi dayandırmalıdır. Onlar dərhal azad olunmalıdır", bu barədə Dövlət Departamentinin nümayəndəsi Metyu Miller brifinqdə bildirib.
Ötən ilin mart ayında Rusiya hakimiyyəti heç bir dəlili olmadan, Wall Street Journal-ın reportyoru Qerşkoviçi "casusluqda" ittiham edib. Dövlət Departamenti Qerşkoviçin "qanunsuz saxlanıldığını" bildirib.
"Bugünki iclasda da Rusiya hakimiyyəti cinayətin heç bir dəlilini təqdim etməyib", deyə Miller Turan-ın müxbirinə bildirib.
Çərşənbə axşamı Vaşinqtonda yerləşən Milli Mətbuat Klubu Rusiya qanunvericiliyinə əsasən, "mürəkkəb işlərdə" və yalnız nadir hallarda prokurorların həbs müddətini adi müddətdən artıq - bir il uzatmasına icazə verildiyinə diqqət çəkib.
"Əvvəlcə prokurorlar açıq dəlillər olduğuna görə, Evanın işinin qətiyyən mürəkkəb olmadığını iddia edirdilər.
Onların məhkəmədə bu dəlilləri təqdim etmək imkanı var idi. Lakin onlar heç bir dəlil irəli sürmədilər", deyə Mətbuat Klubunun məlumatında bildirilir.
Siyasət
-
Cümə günü Bayden administrasiyası Ukraynaya ən böyük hərbi yardım paketinin ayrıldığını elan edib, Turan-ın Vaşinqton müxbiri bildirib.
-
"Meclis.info" platformasının həbsdə olan rəhbəri İmran Əliyevə qarşı yeni ittiham irəli sürüldüyü deyilir.
-
İstintaq təcridxanasında 8 günlük quru aclıq aksiyası Azərbaycan Xalq Cəbhəsi Partiyasının (AXCP) fəalı Elnur Həsənovun sağlamlığı üçün mənfi nəticələrə səbəb olub. O, 17,5 kq arıqlayıb və onun həzm sistemində problemlər yaranıb.
-
Teleqram şəbəkəsində bu günlərdə korrupsiyaya görə həbs olunmuş Rusiya müdafiə nazirinin keçmiş müavini Timur İvanovun daşınmaz əmlakını əks etdirən video yayılıb. Bu, Tver vilayətində Volqanın sahilində bir saraydır. Əmlakın dəyəri təxminən 2 mlrd. rubldur (təxminən 22 mln. dollar). Saray klassisizm üslubunda məşhur Znamenskoe-Raek malikanəsinin eynisidir.
Rəy yaz