Moskvada terror aktı: ABŞ Rusiyanın ittihamlarını qəbul etmir və onları "Ukraynaya qarşı təcavüzə bəraət qazandıran təbliğat" hesab edir
Moskvada terror aktı: ABŞ Rusiyanın ittihamlarını qəbul etmir və onları "Ukraynaya qarşı təcavüzə bəraət qazandıran təbliğat" hesab edir
Çərşənbə axşamı Birləşmiş Ştatlar Rusiya məmurlarının Moskva yaxınlığındakı konsert zalına 139 nəfərin həlak olması ilə nəticələnən hücumda Qərb ölkələrinin, o cümlədən Ukraynanın müəyyən rolunun olması haqqında iddialarını təkzib edib.
"Bu, açıq-aşkar yalandır. Bunda Ukraynanın iştirakının heç bir dəlili yoxdur", deyə Dövlət Departamentinin nümayəndəsi Metyu Miller brifinqdə Turan-ın müxbirinə bildirib.
Çərşənbə axşamı Rusiya FTX-nin direktoru Aleksandr Bortnikov bildirib ki, Moskva terror aktının "Qərb xüsusi xidmətlərinin yardımı ilə islamçı radikallar tərəfindən hazırlandığını" hesab edir.
Rusiya məmurlarının, o cümlədən prezident Putinin bu şərhləri sadəcə olaraq Ukraynaya qarşı təcavüzə bəraət qazandırmağı hədəfləyən bir təbliğatdır, deyə Miller qeyd edib.
Dövlət katibi Entoni Blinken də Moskvada törədilmiş terror aktı haqqında danışıb. "Bir neçə gün əvvəl Moskva yaxınlığında baş verən dəhşətli hücum İŞİD-in potensial güc olaraq qaldığını və bizim onunla mübarizə aparmalı olacağımızı xatırladıb", deyə Blinken çərşənbə axşamı Dövlət Departamentində İraq XİN başçısı Fuad Hüseynlə görüşündə bildirib.
-
- İqtisadiyyat
- 27 Mart 2024 13:02
Siyasət
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
-
Cümə günü Bayden administrasiyası Ukraynaya ən böyük hərbi yardım paketinin ayrıldığını elan edib, Turan-ın Vaşinqton müxbiri bildirib.
-
"Meclis.info" platformasının həbsdə olan rəhbəri İmran Əliyevə qarşı yeni ittiham irəli sürüldüyü deyilir.
Rəy yaz