ABŞ Rusiyanın Ukraynaya qarşı kimyəvi silahdan istifadə etdiyini bildirir
ABŞ Rusiyanın Ukraynaya qarşı kimyəvi silahdan istifadə etdiyini bildirir
Rusiya Ukrayna qoşunlarına qarşı zəhərli xlorpikrin qazından istifadə etdikdən sonra Birləşmiş Ştatlar bu ölkəni kimyəvi silahdan istifadəyə qoyulmuş qlobal qadağanı pozmaqda ittiham edib, xəbəri Turan-ın Vaşinqtondakı müxbiri verib.
"Bu cür kimyəvi maddələrdən istifadə ayrıca bir insident deyil və Rusiya qoşunlarının Ukrayna qüvvələrini möhkəmlənmiş mövqelərdən çıxarmaq istəyindən irəli gəlir", deyə Dövlət Departamentinin bəyanatında bildirilir.
Birinci Dünya Müharibəsi zamanı xlorpikrindən çox miqdarda istifadə olunurdu və o, Kimyəvi Silahların Qadağan edilməsi üzrə Haaqa Təşkilatının qadağan edilmiş boğucu vasitələr siyahısına daxil edilib.
Ukrayna hərbiçilərinin məlumatına görə, Rusiya qoşunları xlorpikrindən başqa, CS və CN qazları ilə doldurulmuş qumbaralardan istifadə ediblər. Ən az 500 Ukrayna əsgəri toksik maddələrin təsirindən müalicə olunub, bir nəfər isə gözyaşardıcı qazdan boğularaq ölüb.
Vaşinqton Rusiyanın kimyəvi və bioloji silah proqramları ilə əlaqəsi olan üç dövlət müəssisəsinə qarşı sanksiyalar tətbiq edir. Bu üç təşkilatı dəstəkləyən daha dörd Rusiya şirkəti də Dövlət Departamentinin sanksiyalarına məruz qalıb.
Bundan başqa, ABŞ-ın Maliyyə Nazirliyi Rusiyanın kimyəvi və bioloji silah istehsalı proqramlarında iştirak edən hərbi institutları üçün məhsul satınalmalarınla əlaqəsi olan üç hüquqi və iki fiziki şəxsə qarşı sanksiyalar tətbiq edib.
Siyasət
-
Mayın 15-də Azərbaycan Xalq Cəbhəsi Partiyasının fəalı Elxan Əliyev Umbaki təcridxanasıda quru aclıq aksiyası elan edib.
-
Mayın 16-da Avropa İnsan Haqları Məhkəməsi Azərbaycanla bağlı 3 yeni qərar və qərardadını elan edib.
-
Bu gün Gəncə Apellyasiya Məhkəməsində demokratik.az saytının rəhbəri Osman Nərimanoğlunun (Rzayev) 6,5 il müddətinə azadlıqdan məhrum edilməsi haqqında hökmdən verilmiş şikayətə baxılması başa çatıb.
-
Ədliyyə Nazirliyinin Baş Tibb İdarəsi Ələsgər Məmmədlidən aprelin 26-da götürülən təhlilin nəticələri haqqında məlumat verib.
Rəy yaz