ABŞ Şimali Koreya əsgərlərinin Ukraynada Rusiyanın tərəfində döyüşməsi barədə xəbərlərdən "narahatdır"
ABŞ Şimali Koreya əsgərlərinin Ukraynada Rusiyanın tərəfində döyüşməsi barədə xəbərlərdən "narahatdır"
Çərşənbə axşamı ABŞ Şimali Koreya əsgərlərinin Ukraynada Rusiyanın tərəfində döyüşməsi barədə xəbərlərdən "narahatlığını" bildirib.
"Əgər bu doğrudursa, bu, böyük insan itkisi ilə üzləşən Rusiyanın çarəsizliyinin yeni səviyyəsi deməkdir", - brifinq zamanı Dövlət Departamentinin mətbuat katibi Metyu Miller Turan-ın sualını cavablandırarkən deyib.
Bu həftənin əvvəlində Ukrayna prezidenti Vladimir Zelenski Pxenyanı öz əsgərlərini Rusiya ordusuna göndərməkdə ittiham edib. Bu, Ukraynanın Donetskə raket zərbəsi nəticəsində bir neçə Şimali Koreya zabitinin həlak olmasından sonra baş verib.
Çərşənbə axşamı Ağ Evin Milli Təhlükəsizlik Şurasından Con Kirbi jurnalistlərə deyib: "Əgər bu doğrudursa, müharibədə uğur qazanmağa çalışan Putinin çarəsizliyini göstərir".
Vaşinqtonun məlumatına görə, Şimali Koreya Rusiyaya hərbi sursat və ballistik raketlər göndərib.
Çərşənbə axşamı Dövlət Departamenti bildirib ki, dövlət katibi Blinken Ukraynanın xarici işlər naziri Andrey Sibiha ilə danışıb və Ukraynanın Rusiyanın təcavüzünə qarşı mübarizəsinə ABŞ-ın "dəyişməz dəstəyini" təsdiqləyib.
Siyasət
-
Azərbaycanın baş nazirinin müavini Şahin Mustafayev İrana səfəri çərçivəsində oktyabrın 15-də İranın xarici İşlər naziri Seyid Abbas Əraqçi ilə görüşüb.
-
“Azel” TV saytının təsisçisi əfqan Sadıqova siyasi sığınacaq verilməsindən imtina ilə bağlı Gürcüstan Daxili İşlər Nazirliyinin Miqrasiya Departamentinin qərarından oktyabrın 16-da Tbilisi Şəhər Məhkəməsinə şikayət verilib, Turan-a onun vəkili Keti Çutlaşvili bildirib.
-
Seçkilərin Monitorinqi və Demokratiyanın Tədrisi Mərkəzinin direktoru, hazırda həbsdə olan Anar Məmmədlinin səhhəti gün-gündən pisləşir. Bu barədə vəkil Elçin Sadıqov bildirib.
-
"İşçi Masası" müstəqil Həmkarlar İttifaqları Konfederasiyasının üzvü, həbsdə olan Elvin Mustafayev Penitensiar Xidmətin hospitalında müalicə olunmasından təkrar imtina edilməsindən şikayət edib. Bu barədə "İş masası" Həmkarlar İttifaqları Konfederasiyasının məlumatında deyilir.
Rəy yaz