Açiq mənbələrdən foto.
ABŞ Ukraynaya 400 milyon dollarlıq 33-cü yardım paketini elan edib
Vaşinqton/04.03.23/Turan: Cümə günü Bayden administrasiyası Ukrayna üçün təhlükəsizlik sahəsində 400 milyon dollarlıq yardım paketini elan edərək, Rusiyanın hücumuna qarşı mübarizədə Kiyevə yeni döyüş sursatı və hərbi texnika partiyası təqdim edib, Turan-ın Vaşinqton müxbiri bildirib.
Dövlət katibi Entoni Blinkenin bəyanatında deyilir ki, sonuncu paketə HİMARS və Howitzer artilleriya silahları üçün raketlər və mərmilər, həmçinin ABŞ-ın ilk dəfə yanvarda Ukraynaya verdiyi "Bradley" piyada döyüş maşınları üçün döyüş sursatları daxildir.
Bundan əlavə, yeni paketdə partlayıcı maddələr, döyüş sursatları, avadanlıqlar, həmçinin Ukrayna qoşunlarına təlim və dəstək xidmətləri var.
Pentaqonun məlumatına görə, silah dəstinə zirehli personal daşıyıcılar da daxildir. Bu maşınlar zirehli tank kolonlarını müşayiət etmək üçün nəzərdə tutulub və onlara çayları, kanalları, xəndəkləri keçməyə imkan verir. Körpülər zirehli texnikanın şassisilə daşınır və çay sahillərinə endirilir. Qoşunların və texnikanın keçidi başa çatdıqdan sonra körpüquran süni körpünü qaldırır və hərəkətə davam edir.
Bu, Ukraynaya 33-cü hərbi yardım paketidir. Rusiyanın hücumu başlayandan ABŞ Ukraynaya 30 milyard dollardan çox hərbi texnika verib. Ötən il Konqres təxminən 113 milyard dollarlıq ümumi ekstren yardımı təqdir edib.
"Rusiya təcavüzü dayandırana qədər Ukrayna ilə birlikdəyik və onun Silahlı Qüvvələrini gücləndirəcəyik ki, Ukrayna danışıqlar masasında maksumum güclü mövqeyə sahib olsun", - Blinken deyib. 0
-
- Siyasət
- 4 Mart 2023 09:01
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz