![Açiq mənbələrdən foto.](https://turan.az/resized/media/2023/main/030300059378-750-500-resize.webp)
Açiq mənbələrdən foto.
Kansler Şoltsun Vaşinqtona “təmtəraqsız” səfəri
Vaşinqton/04.03.23/Turan: Cümə günü Almaniya kansleri Olaf Şolts prezident Co Baydenlə Ukraynaya dəstəyi, Çin məsələsini və digər qlobal problemləri müzakirə etmək üçün öz jurnalistləri olmadan, mətbuat konfransı olmadan, hətta Ağ Evə rəsmi gəliş mərasimi olmadan Vaşinqtona səfər edib, Turan-ın Vaşinqton müxbiri bildirib.
Bayden və Şolts Oval kabinetdə bir saatdan çox vaxt keçiriblər, iki lider Ukraynaya dəstəkdə vahid cəbhə məsələlərini həll ediblər.
"Siz Ukraynaya ərzaq, istilik və tibb də daxil olmaqla öz əsas ehtiyaclarını ödəməyə kömək etdiniz...Və siz Putinə təzyiq göstərməyə davam edirsiniz. Bu, onun bu müharibəni aparmaq qabiliyyətini zəiflədir", - Bayden öz qonağına deyib.
Solts əlavə edib ki, Almaniya və ABŞ üçün Ukraynaya kömək etmək vacib idi: "Və çox yaxşı ki, birlikdə hərəkət etdik, bütün bu müddətdə Ukraynaya lazımi dəstəyi təşkil etdik və onu mümkün etdik".
İki lider Oval kabinetdə reportyorların suallarını cavablandırmayıblar və adətən xarici liderlərin Ağ Evə səfərləri zamanı keçirilən birgə mətbuat konfransı keçirməyiblər.
"Rusiyanın Ukraynaya amansız hücumunun ildönümündə liderlər Ukraynaya təhlükəsizlik, humanitar, iqtisadi və siyasi yardımın təminatı üzrə davam edən səyləri, həmçinin Ukrayna xalqı ilə qlobal həmrəyliyin saxlanmasının vacibliyini müzakirə ediblər.
Onlar təcavüzə görə Rusiyanın üzərinə lazım olduğu qədər xərc öhdəliyi qoyulmasını təsdiqləyiblər. Liderlər digər qlobal məsələlərlə bağlı fikir mübadiləsi də aparıblar",-Ağ Evin məlumatında deyilir.
Şolts sonuncu dəfə Vaşinqtona 2022-ci ilin fevralında, Putin qoşunlarının Ukrayna sərhədini keçməsindən bir neçə gün öncə səfər edib. -0-
-
- Siyasət
- 4 Mart 2023 09:14
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz