![Antony Blinken](https://turan.az/resized/media/2023/main/030300059380-750-500-resize.webp)
Antony Blinken
ABŞ rusiyalı müxalifətçi Vladimir Kara-Murzanın həbsinə görə Rusiya məmurlarına qarşı sanksiyalar tətbiq edib
Vaşinqton/04.03.23/Turan: Cümə günü Bayden administrasiyası ötən il müharibə əleyhinə ifadələrə görə məhkum edilmiş müxalifət liderinin həbsində, məhkəmə təqibində və amansız rəftarda əli olan rusiyalılara qarşı "Maqnitski qanunu" çərçivəsində sanksiyalar tətbiq edib, Turan-ın Vaşinqton müxbiri bildirib.
Görkəmli siyasətçi və Vladimir Putinin tənqidçisi Vladimir Kara-Murza apreldə həbs olunub və "xarici agent" elan edilib. İndiyədək Silahlı Qüvvələr haqqında yalan məlumat yaymaqda şübhəli bilinərək həbsdə saxlanılır.
Dövlət katibi Entoni Blinken aşağıdakı şəxslərə qarşı sanksiyaları elan edib:
1. Oleq Mixayloviç Sviridenko: Rusiya Federasiyası ədliyyə nazirinin müavini;
2. Elena Anatolyevna Lenskaya: Kara-Murzanın saxlanması barədə qərar verən moskvalı hakim;
3. Diana İqorevna Mişenko: Kara-Murzanı həbs edən hakim;
4. İlya Pavloviç Kozlov: Kara-Murzanın həbsi barədə qərardan apellyasiyanı təmin etməyən hakim;
5. Andrey Andreyeviç Zadaçin: Kara-Murzaya qarşı cinayət işinin başlanmasına qərar verən müstəntiq;
6. Danil Yuryeviç Mixeyev: Rusiya hökumətinin ekspert- şahidi, Kara-Murzanın çıxışından qeydləri nəzərdən keçirib və onun təqdim etdiyi hesabat əsasında ittiham irəli sürülüb.
Lenskaya və Zadaçin həmçinin viza məhdudiyyətlərinə məruz qalacaqlar ki, bu da onların və yaxın qohumlarının ABŞ-a getməsini qadağan edir. 0
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz